បរទេស៖ អ្នកមានទ្រព្យស្តុកស្តម្ភនៅហុងកុងត្រូវបាន គេរាយការណ៍ថា កំពុងបង្កើនការផ្ទេរបរិមាណមាស ចេញពីមជ្ឈមណ្ឌលហិរញ្ញវត្ថុ ហុងកុង ទៅកន្លែងផ្សេងទៀត។
យោងតាមសារព័ត៌មាន Sputnik ចេញផ្សាយនៅថ្ងៃទី០៧ ខែសីហា ឆ្នាំ២០២០ បានឱ្យដឹងថា ដោយដកស្រង់សម្តីឈ្មួញលក់មាសដុំ, ព័ត៌មានបានផ្សាយថា វិនិយោគិនក្នុងវិស័យឯកជនបានផ្ទេរមាស ១០ ភាគរយនៃមាសរបស់ពួកគេពីទីក្រុងហុងកុង ទៅប្រទេសនានាដូចជាសិង្ហបុរី និងស្វ៊ីស ក្នុងរយៈពេល ១២ ខែកន្លងមកនេះ។
ការផ្ទេរមាសត្រូវបានគេរាយការណ៍ ជាលើកដំបូងបានចាប់ផ្តើមកាលពីឆ្នាំមុន ក្នុងកំឡុងពេលបាតុកម្មប្រឆាំងនឹងរដ្ឋាភិបាល ដែលបានដណ្តើមកាន់កាប់ទីក្រុង និងប្រមូលផ្តុំគ្នា បន្ទាប់ពីការអនុម័តច្បាប់សន្តិសុខថ្មីពីសំណាក់រដ្ឋាភិបាលទីក្រុងប៉េកាំង ដែលធ្វើឱ្យវិនិយោគិនមានការព្រួយបារម្ភចំពោះស្ថិរភាពនាពេលអនាគត និង“ បញ្ហាច្បាប់” ។
លោក Joshua Rotbart ប្រធានក្រុមហ៊ុន J Rotbart & Co ដែលមានមូលដ្ឋាននៅទីក្រុងហុងកុង ជាអ្នកចែកចាយនិង អ្នកផ្គត់ផ្គង់មាស បានមានប្រសាសន៍ថា “ អតិថិជនជាច្រើនឥឡូវនេះយល់ឃើញថា ទីក្រុងហុងកុងគឺមានហានិភ័យ ជាងអំណាចច្បាប់ដទៃទៀត” ។
យោងតាមអ្នកជំនាញ នៅពេលដែលច្បាប់នេះត្រូវ បានអនុម័ត មាន“ ប្រតិកម្មឆ្លើយតបភ្លាមៗពីអ្នករស់នៅហុងកុង និង ស្នើសុំឱ្យរក្សាទុកវា [មាស] នៅកន្លែងផ្សេងទៀត” ៕ប្រែសម្រួលៈ ណៃ តុលា