ចិន៖លោក Jeff Williams ប្រធានផ្នែកប្រតិបត្តិការ របស់ក្រុមហ៊ុនបច្ចេកវិទ្យាយក្ស របស់អាមេរិក Apple បាននិយាយក្នុងបទ សម្ភាសន៍មួយថា ក្រុមហ៊ុន Apple នឹងបន្តវិនិយោគ ក្នុងប្រទេសចិន តាមរបៀបដ៏ធំមួយទៀត ដោយសារប្រទេសនេះ ជាផ្នែកកណ្តាល នៃខ្សែសង្វាក់ផ្គត់ផ្គង់ដ៏សំខាន់ របស់ក្រុមហ៊ុនបច្ចេកវិទ្យាអាមេរិក យោងតាមការចេញ ផ្សាយពីគេហទំព័រ China Daily ។
នាយកប្រតិបត្តិជាន់ខ្ពស់ បាននិយាយក្នុងអំឡុង ពេលធ្វើដំណើរ របស់លោកទៅកាន់អ្នកផ្គត់ផ្គង់សំខាន់ៗរបស់ Apple ដូចជា Luxshare Precision Industry Co ក្នុងប្រទេសចិនកាលពីថ្ងៃអង្គារ។ លោក Williams បាននិយាយថា ប្រទេសចិនជាផ្នែកកណ្តាលនៃខ្សែសង្វាក់ផ្គត់ផ្គង់ដ៏សំខាន់របស់យើង ហើយយើងបានវិនិយោគនៅទីនេះអស់រយៈពេល ៣០ ឆ្នាំមកហើយ។ ហើយខ្ញុំសូមបញ្ជាក់ឲ្យច្បាស់ថា យើងនៅទីនេះដើម្បីស្នាក់នៅ។ ខ្ញុំមិនឃើញការផ្លាស់ប្តូរនោះទេ ហើយយើងនឹងបន្តវិនិយោគនៅប្រទេសចិនក្នុងវិធីដ៏ធំមួយ។
យោងទៅតាមលោក បានឲ្យដឹងថា ក្រុមហ៊ុន Apple ប្តេជ្ញាចិត្តក្នុងការវិនិយោគនៅប្រទេសចិន ដោយសារតែភាព ជាដៃគូមិនគួរឲ្យជឿដែលវាមាននៅទីនេះ ដូចជាទំនាក់ទំនងជាមួយ Luxshare Precision Industry Co.។ លោក Williams បានបន្ថែមថា យើងបានចាប់ ផ្តើមធ្វើការជាមួយ Luxshare នៅ Apple កាលឆ្នាំ ២០១១ នៅពេលវាមាន បុគ្គលិកត្រឹមតែ ៥០០នាក់ ហើយយើងបានរីកចម្រើនជាមួយគ្នា ហើយសព្វថ្ងៃនេះវាមានបុគ្គលិក ៣៥០,000នាក់
លោកបានបញ្ជាក់ថា រយៈពេល ២ ឆ្នាំចុងក្រោយនេះ អាជីវកម្មរបស់ក្រុមហ៊ុន Apple ជាមួយក្រុមហ៊ុន Luxshare បានកើនឡើងជាង ៥០ ភាគរយជាលទ្ធផលក្នុងការបើករោងចក្របន្ថែមនៅទីនេះនៅប្រទេសចិន ដើម្បីគាំទ្រក្រុមហ៊ុន Apple ។ លោក Williams បានបន្ថែមថា Apple ប្តេជ្ញាបន្តវិនិយោគក្នុងប្រទេសចិន”។
យោងតាមនាយកប្រតិបត្តិ ជាន់ខ្ពស់បានអះអាងថា Apple និងអ្នកផ្គត់ផ្គង់របស់ខ្លួនក្នុង ប្រទេសចិនកំពុងធ្វើការ ជំរុញរួមគ្នាដើម្បីពង្រីកការ ប្រើប្រាស់បញ្ញាសិប្បនិម្មិត និងស្វ័យប្រវត្តិកម្ម នៅក្នុងរោងចក្រ ដើម្បីធ្វើឲ្យផលិតផលកាន់ តែប្រសើរឡើង៕
