ស៊ុយអែត ៖ មនុស្សគ្រប់រូបតែង តែគិតជាញឹកញាប់ថា ប្រវត្តិវប្បធម៌របស់យើងដើរតួយ៉ាងសំខាន់ នៅក្នុងក្លិនដែលយើង ចូលចិត្ត និងស្អប់ ប៉ុន្តែការសិក្សាថ្មីមួយ បានបង្ហាញថា មនុស្សចូលចិត្ត ឬបង្វែរ ច្រមុះរបស់ពួកគេដោយក្លិន ដដែលមិនថា ពួកគេមកពីណានោះទេ នេះបើយោងតាមការចេញផ្សាយ ពីគេហទំព័រឌៀលីម៉ែល ។
អ្នកវិទ្យាសាស្ត្រនិយាយថា ក្លិនរបស់វ៉ានីឡាត្រូវបានគេស្រលាញ់ទូទាំងពិភពលោក ខណៈ ក្លិនរបស់ឈីស ទឹកផ្លែប៉ោម និងក្លិនជើងមានញើស។ ក្រុមអ្នកសិក្សានៅសាកលវិទ្យាល័យ Oxford និងវិទ្យាស្ថាន Karolinska ប្រទេសស៊ុយអែត បានបន្ថែមថា ចំណូលចិត្តរបស់យើងត្រូវ បានកំណត់ដោយរចនាសម្ព័ន្ធ នៃម៉ូលេគុលក្លិននីមួយៗ ។
អ្នកស្រាវជ្រាវការសិក្សាលោកវេជ្ជបណ្ឌិត Artin Arshamian បាននិយាយថា យើងចង់ពិនិត្យមើលថា តើមនុស្សនៅជុំវិញ ពិភពលោកមានការយល់ ឃើញអំពីក្លិនដូចគ្នា និងចូលចិត្តប្រភេទក្លិនដូចគ្នា ឬថាតើនេះជាអ្វីដែលត្រូវបានសិក្សាតាមវប្បធម៌ ។ តាមប្រពៃណី វាត្រូវបានគេមើលឃើញថា ជាវប្បធម៌ ប៉ុន្តែយើងអាចបង្ហាញថា វប្បធម៌មានទំនាក់ទំនងតិចតួចណាស់ ។
វប្បធម៌ជុំវិញពិភពលោកចាត់ ថ្នាក់ក្លិនខុសៗគ្នា តាមរបៀបស្រដៀងគ្នា មិនថាពួកគេមកពីណាក៏ដោយ ប៉ុន្តែចំណង់ចំណូលចិត្តក្លិនមានផ្ទាល់ខ្លួន ទោះបីមិនមែនជាធាតុផ្សំ នៃវប្បធម៌ក៏ដោយ។ លោកបានបន្ថែមថា ឥឡូវនេះយើងដឹងថាមានការ យល់ឃើញក្លិនជាសកលត្រូវបានជំរុញ ដោយរចនាសម្ព័ន្ធម៉ូលេគុល ហើយនោះពន្យល់ពីមូលហេតុ ដែលយើងចូលចិត្ត ឬមិនចូលចិត្តក្លិនជាក់លាក់មួយ៕ដោយ៖លី ភីលីព
