តូក្យូ ៖ យោងតាមការចេញ ផ្សាយពីគេហទំព័រជប៉ុនធូដេ បានប្រាប់ឲ្យដឹងថា សាកលវិទ្យាល័យតូក្យូបានចាប់ដៃគូជាមួយសាកលវិទ្យាល័យឈីកាហ្គោ IBM Corp និង Google LLC ដើម្បីបង្កើនការស្រាវជ្រាវ និងការអភិវឌ្ឍន៍ ក្នុងការគណនាកង់ទិចជំនាន់ក្រោយ ដើម្បីដោះស្រាយបញ្ហាប្រឈមជាសកល រួមទាំងការប្រែប្រួលអាកាសធាតុ ។
ក្រុមហ៊ុនអាមេរិក បាននិយាយថា IBM នឹងផ្តល់ប្រាក់ចំនួន ៥០ លានដុល្លារដល់សាកលវិទ្យាល័យនីមួយៗក្នុងរយៈពេល ១០ ឆ្នាំ ដើម្បីផ្តល់មូលនិធិ ដល់ការអភិវឌ្ឍន៍ប្រព័ន្ធដែលមានសមត្ថភាពដោះស្រាយ បញ្ហាហួសពីលទ្ធភាព នៃកុំព្យូទ័រទំនើបបំផុត នាពេលបច្ចុប្បន្ននេះ ។
សាកលវិទ្យាល័យក៏នឹងទទួលបានរហូតដល់ ៥០ លានដុល្លារជាសរុបក្នុងរយៈពេល ១០ ឆ្នាំពី Google ដើម្បីគាំទ្រដល់ការស្រាវជ្រាវ និងការអភិវឌ្ឍន៍ធនធានមនុស្សរបស់ពួកគេ។
ប្រព័ន្ធ Quantum Computing ប្រើប្រាស់លក្ខណៈសម្បត្តិមេកានិចកង់ទិចនៃភាគល្អិត និងភាគល្អិត subatomic ដូចជា Photons អាតូម និងអេឡិចត្រុង។ ខណៈកុំព្យូទ័រធម្មតាប្រើប៊ីតដ៏វែងដែលអ៊ិនកូដលេខសូន្យ ឬលេខមួយ កុំព្យូទ័រកង់ទិចប្រើ Quantum bits ឬ qubits តំណាងឲ្យលេខសូន្យ និងលេខមួយក្នុងពេលដំណាលគ្នា ធ្វើឲ្យវាដោះស្រាយការគណនាស្មុគស្មាញក្នុងល្បឿនលឿនជ្រុល។
IBM បាននិយាយកាលពីខែឧសភាថា សាកលវិទ្យាល័យតូក្យូនឹងធ្វើការដើម្បីកំណត់អត្តសញ្ញាណ ធ្វើមាត្រដ្ឋាន និងដំណើរការការបង្ហាញពីចុងដល់ចប់នៃ Qantum algorithms ខណៈសាកលវិទ្យាល័យ Chicago នឹងមានបំណងនាំយកទំនាក់ទំនងកង់ទិចទៅជាការគណនា។
ការផ្លាស់ប្តូរនេះកើតឡើងបន្ទាប់ ពីសាកលវិទ្យាល័យតូក្យូបានចុះហត្ថលេខាលើកិច្ចព្រមព្រៀងជាមួយ IBM កាលឆ្នាំ ២០១៩ ដើម្បីលើកកម្ពស់ភាពជាដៃគូ ក្នុងវិស័យឧស្សាហកម្ម-សិក្សា។ នៅឆ្នាំ ២០២១ វាបានចាប់ផ្តើមធ្វើការស្រាវជ្រាវជាមួយនឹងកុំព្យូទ័រ 27-qubit quantum របស់ IBM រួមជាមួយនឹងក្រុមហ៊ុនមួយចំនួន និងសាកលវិទ្យាល័យផ្សេងទៀត ៕
