ទីក្រុងឡុងដ៍ ៖ ការសិក្សាដ៏សំខាន់មួយបានព្រមានកាលពីថ្ងៃចន្ទជាផ្លូវការថា ការបំភាយកាបូនឌីអុកស៊ីតក្នុងវិស័យថាមពលសកល បានឈានដល់កម្រិតកំពូលកាលពីឆ្នាំមុន ប្រឆាំងនឹងការប្តេជ្ញាចិត្តនៅទីក្រុងប៉ារីស ហើយបានគូសបញ្ជាក់ពីផលប៉ះពាល់អាក្រក់បំផុត មិនធ្លាប់មាន នៃការប្រែប្រួលអាកាសធាតុ យោងតាមការចេញផ្សាយពីគេហទំព័រជប៉ុនធូដេ។
ស្ថាប័នឧស្សាហកម្មសកលដែលមានមូលដ្ឋាននៅចក្រភពអង់គ្លេស វិទ្យាស្ថានថាមពលបានដាក់ចេញ នូវការរកឃើញចម្បង នៃការត្រួតពិនិត្យស្ថិតិរបស់ខ្លួនអំពីថាមពលពិភពលោកធ្វើឡើងជាមួយទីប្រឹក្សា Kearney និង KPMG ។
ការសិក្សាបានប្រាប់ថា ការបំភាយកាបូនឌីអុកស៊ីតពីការប្រើប្រាស់ថាមពល ដំណើរការឧស្សាហកម្ម ការឆាបឆេះ និងមេតាន បានបន្តកើនឡើងដល់កម្រិតខ្ពស់ថ្មី ០.៨ ភាគរយក្នុងឆ្នាំ ២០២២។
ការពិនិត្យឡើងវិញបានរកឃើញថា ការប្រើប្រាស់ថាមពលបឋមបានកើនឡើងប្រហែលមួយភាគរយកាលពីឆ្នាំមុនពីឆ្នាំ២០២១ ឬជិតបីភាគរយធៀបនឹងកម្រិតមុន Covid ក្នុងឆ្នាំ ២០១៩។
ទន្ទឹមនឹងនេះ ថាមពលខ្យល់ និងពន្លឺព្រះអាទិត្យរួមគ្នាបានឈានដល់កំណត់ត្រា ១២ ភាគរយនៃការផលិតអគ្គិសនីសរុប បានជួយដោយការកើនឡើងដ៏ធំបំផុត ដែលមិនធ្លាប់មានសម្រាប់ទាំង២។
តម្រូវការប្រេងឥន្ធនៈសម្រាប់ការដឹកជញ្ជូនបន្តស្ទុះ ងើបឡើងវិញពីកម្រិតមុនការរាតត្បាត បើទោះបីជាប្រទេសចិន បានរក្សាគួរឲ្យកត់សម្គាល់ខាងក្រោម ដោយសារតែផលប៉ះពាល់ជាបន្តបន្ទាប់ នៃការរឹតបន្តឹង ‘សូន្យ Covid’ ពីមុនរបស់ខ្លួន។
ប្រធានវិទ្យាស្ថានថាមពល Juliet Davenport បានព្រមានថា វិស័យនេះកំពុងឆ្ពោះទៅរកទិសដៅផ្ទុយ ទៅនឹងគោលដៅនៃកិច្ចព្រមព្រៀងទីក្រុងប៉ារីស។
ឆ្នាំ ២០២២ បានឃើញផលប៉ះពាល់ដ៏អាក្រក់បំផុត មិនធ្លាប់មានពីការប្រែប្រួលអាកាសធាតុ ទឹកជំនន់ដ៏បំផ្លិចបំផ្លាញប៉ះពាល់ដល់មនុស្សរាប់លាននាក់នៅក្នុងប្រទេសប៉ាគីស្ថាន ជាព្រឹត្តិការណ៍កំដៅកំណត់ត្រានៅទូទាំងទ្វីបអឺរ៉ុប និងអាមេរិកខាងជើង ប៉ុន្តែយើងត្រូវស្វែងរកព័ត៌មានវិជ្ជមាន អំពីការផ្លាស់ប្តូរថាមពលនៅលើទិន្នន័យថ្មីនេះ។
ទោះបីជាមានការកើនឡើងខ្លាំងបន្ថែមទៀតនៃខ្យល់ និងពន្លឺព្រះអាទិត្យនៅក្នុងវិស័យថាមពលក៏ដោយ ការបំភាយឧស្ម័នផ្ទះកញ្ចក់ដែលទាក់ទងនឹងថាមពលជាសកលបានកើនឡើងម្តងទៀត។
យើងនៅតែឆ្ពោះទៅទិសផ្ទុយទៅ នឹងតម្រូវការដោយកិច្ចព្រមព្រៀងប៉ារីស។
ក្រោមកិច្ចព្រមព្រៀងទីក្រុងប៉ារីសឆ្នាំ ២០១៥ ប្រទេសនានាបានសន្យាថា នឹងឈានដល់ការបំភាយកាបូនសុទ្ធត្រឹមពាក់កណ្តាលសតវត្ស ដោយមានគោលបំណងកំណត់ការកើនឡើង នៃសីតុណ្ហភាពពិភពលោកដល់ ១.៥ ដឺក្រេនៃកម្រិតមុនឧស្សាហកម្ម៕ ដោយ៖លី ភីលីព
