អាមេរិក៖ ការសិក្សាមួយ បានរកឃើញថា ភពដំបូងដែលត្រូវបានរកឃើញ នៅខាងក្រៅប្រព័ន្ធព្រះអាទិត្យរបស់យើង មិនមែនជាភពផែនដី ទាល់តែសោះ ហើយប្រហែលជាពពកធូលីដ៏ធំមួយ ដែលត្រូវបានបង្កើតឡើង ដោយការប៉ះទង្គិច នៃអាចម៍ផ្កាយទឹកកកពីរ នេះបើយោងតាមការចេញផ្សាយ ពីគេហទំព័រឌៀលីម៉ែល។
កាលពី ១២ ឆ្នាំមុន ក្រុមតារាវិទូ បានប្រទះឃើញពួកគេគិតថា ជាភពមួយដែលមានរាងដូចភពព្រះសៅរ៍ នៅក្នុងប្រព័ន្ធផ្កាយហ្វូមហាថាត ២៥ ឆ្នាំពន្លឺពីផែនដី ហើយបានហៅវាថា ហ្វូម៉ូហាត។ ប៉ុន្តែឥឡូវនេះ អ្នកស្រាវជ្រាវមកពី សាកលវិទ្យាល័យអារីហ្សូណាអះអាងថា រូបភាពដែលអាចមើលឃើញ និងអ៊ីនហ្វ្រារ៉េដនៃ ‘ភព’ ដែលចាប់បាន ដោយតេលេស្កុបអវកាស ពិតជាមានការប៉ះទង្គិចគ្នាយ៉ាងខ្លាំង។
ក្រុមការងារបានសិក្សារូបភាព ឱ្យកាន់តែលម្អិតហើយបានរកឃើញថា ពួកគេបង្ហាញពីលទ្ធផល នៃផ្កាយដុះកន្ទុយទឹកកក ដែលមានទទឹង ១២៥ ម៉ាយល៍បានធ្លាក់ចូលគ្នា។ ក្រុមសហរដ្ឋអាមេរិក បាននិយាយថាព្រឹត្តិការណ៍បែបនេះ ត្រូវបានគេប៉ាន់ស្មានថា កើតឡើងប្រហែលជារៀងរាល់ ២០០.០០០ ឆ្នាំម្តងហើយវាផ្តល់នូវពន្លឺថ្មី ទៅលើដំណើរនៃការវិវត្តនៃភព។
អ្នកនិពន្ធនាំមុខ លោក Dr Andras Gaspar នៃសាកលវិទ្យាល័យ Steward Observatory នៃសាកលវិទ្យាល័យអារីហ្សូណា បាននិយាយថា ពួកគេគឺកម្រណាស់ហើយ ដូច្នេះនេះគឺជារបកគំហើញ ដ៏សំខាន់មួយ។ លោក Gaspar បាននិយាយថា យើងជឿជាក់ថា យើងស្ថិតនៅកន្លែងត្រឹមត្រូវ ក្នុងពេលវេលាដ៏ត្រឹមត្រូវ ដើម្បីបានឃើញព្រឹត្តិការណ៍ ដែលមិនទំនងនេះ ជាមួយកែវយឹតអវកាស របស់អង្គការណាសា។ ការបុកគ្នានេះត្រូវបានគេគិតថា បានកើតឡើងនៅចម្ងាយប្រហែល ១១ ពាន់លានម៉ាយល៍ពីផ្កាយ Fomalhaut ក្នុងក្រុមផ្កាយ Piscis Austrinus ៕ ដោយ៖លី ភីលីព
