រដ្ឋផ្លរីដា៖ការសិក្សាមួយបានរកឃើញថា ដើមកោងកាងនឹងមិនអាចរស់រានមានជីវិត នៃកម្រិតទឹកសមុទ្រដែលបានគ្រោងទុកនៅឆ្នាំ២០៥០ បានឡើយ លើកលែងតែការបំភាយឧស្ម័នផ្ទះកញ្ចក់ត្រូវបានកាត់បន្ថយ នេះបើយោងតាមការចេញផ្សាយពីគេហទំព័រឌៀលីម៉ែល។
ព្រៃឈើនៅតាមឆ្នេរទាំងនេះ ត្រូវបានរកឃើញនៅក្នុងអាកាសធាតុក្តៅដូចជានៅរដ្ឋផ្លរីដាជួយការពារឆ្នេរសមុទ្រពីសំណឹកផ្តល់ជម្រក និងផ្ទុកកាបូន។ ទោះយ៉ាងណាព្រៃកោងកាងពីមុនបានតស៊ូដើម្បី បង្កើនកម្ពស់ទឹកសមុទ្រជាង ៦ មិល្លីម៉ែត្រក្នុងមួយឆ្នាំដែល ធ្វើឲ្យប្រព័ន្ធអេកូឡូស៊ីដ៏សំខាន់នេះងាយរងគ្រោះ។
ការសិក្សារបស់ Erica Ashe នៃសាកលវិទ្យាល័យ Rutgers-New Brunswick នៅរដ្ឋ New Jersey និងសហសេវិកបានវិភាគលើដីល្បាប់ ដែលមានអាយុកាលប្រហែល ១០,០០០ ឆ្នាំមុន។ ប្រការនេះបានអនុញ្ញាតឲ្យក្រុមស្រាវជ្រាវស្វែងយល់ពីប្រព័ន្ធអេកូឡូស៊ីកោងកាងបានឆ្លើយតបទៅនឹងការប្រែប្រួលនៃ កម្រិតទឹកសមុទ្រនាពេលកន្លងមក និងព្យាករណ៍ថា តើវាអាចមានប្រតិកម្មយ៉ាងដូចម្តេចនៅពេលអនាគត។
កាលពី១០,០០០ឆ្នាំមុនកម្រិតទឹកសមុទ្រ បានកើនឡើងក្នុងអត្រាប្រហែល ១០ មីល្លីម៉ែត្រក្នុងមួយឆ្នាំៗ ប៉ុន្តែបានថយចុះជិតស្ថានភាពមានស្ថេរភាពក្នុងរយៈពេល ៤០០០ ឆ្នាំ។ នៅពេលនេះការពង្រីកព្រៃកោងកាង បានបង្កើនបរិមាណកាបូន ដោយពួកគេមាន សមត្ថភាពរក្សាទុកដែលជួយរួមចំណែកដល់ការថយ ចុះកម្រិតឧស្ម័នផ្ទះកញ្ចក់៕
