អាមេរិក ៖ ការសិក្សាមួយបានរកឃើញថា ការបោកគក់សម្លៀកបំពាក់ ធ្វើឲ្យមានសារធាតុកខ្វក់ដល់ដី ដែលបង្កមានសរសៃសំយោគ ប្រហែលចំនួន ១៧៥,០០០ តោនក្នុងមួយឆ្នាំៗនៅលើកំពូល នៃការបំពុលដល់មីក្រូតូចៗ ហូរចូលមហាសមុទ្រ នេះបើយោងតាមការចេញផ្សាយ ពីគេហទំព័រឌៀលីម៉ែល។
ការរកឃើញពីអ្នកស្រាវជ្រាវ នៅសហរដ្ឋអាមេរិកអាចជួយរកដំណោះស្រាយ ដែលមានប្រសិទ្ធភាព ដើម្បីបញ្ឈប់ការរីករាលដាល នៃសរសៃសំយោគ ខណៈការពង្រីកការយល់ដឹង របស់យើងអំពីផលប៉ះពាល់របស់វា ។ សារធាតុមីក្រូមានប្រវែងតិចជាង ៥មិល្លីម៉ែត្រត្រូវបានផលិត នៅគ្រប់ជំហាននៃដំណើរការផលិតក្រណាត់ ហើយត្រូវបានបញ្ចេញ នៅពេលសម្លៀកបំពាក់ត្រូវ បានបោកគក់ដោយម៉ាស៊ីន។
បើតាមសម្តីរបស់លោក Jenna Gavigan នៃសកលវិទ្យាល័យ California, Santa Barbara បាននិយាយថា ការដកយកមីក្រូហ្វីសខ្នាតធំ ចេញពីបរិដ្ឋាន គឺមិនទំនងជាអាចធ្វើទៅបាន តាមលក្ខណៈបច្ចេកទេស ឬអាចមានលទ្ធភាពខាងសេដ្ឋកិច្ចបានទេ ដូច្នេះការផ្តោតសំខាន់ គឺផ្តោតលើការការពារការបំភាយ។ ដោយសាររោងចក្រប្រព្រឹត្តិ កម្មទឹកស្អុយ មិនចាំបាច់កាត់បន្ថយការបំភាយឧស្ម័នដល់បរិស្ថានទេ និងការផ្តោតអារម្មណ៍ របស់យើងចាំបាច់ត្រូវ កាត់បន្ថយការបំភាយឧស្ម័ន មុនពេលពួកគេចូលក្នុងទឹកហូរ ។
ក្រណាត់សំយោគដូចជា polyester និងនីឡុង គឺជាសរសៃត្រូវគេប្រើច្រើនបំផុត នៅក្នុងឧស្សាហកម្មវាយនភ័ណ្ឌ មានចំនួនជាង ៦០ ភាគរយ នៃវត្ថុធាតុដើម ដែលត្រូវបានប្រើ សម្រាប់ផលិតសម្លៀក បំពាក់នៅទូទាំងពិភពលោក។ ប្រហែល ១៥ ភាគរយនៃប្លាស្ទិកទាំងអស់ត្រូវបានប្រើដើម្បី ផលិតសរសៃសំយោគ ជាពិសេសសម្លៀកបំពាក់៕ដោយ៖លី ភីលីព
