កំណត់ត្រាមិនធ្លាប់មាន ២ដងផ្សេងៗគ្នាជាមួយក្រុមពីធីករកីឡាកម្ពុជា ក្នុងរាជធានីភ្នំពេញ និងខេត្តសៀមរាប ក្នុងព្រឹត្តិការណ៍ “យើងរួមគ្នាបរិច្ចាគឈាម ដើម្បីសង្គ្រោះជីវីត “ឧបត្ថម្ភធំដោយ ទឹកពិសា ហាយ ធិច ថ្មីៗនេះ កាលពីថ្ងៃទី១៩–២០ ខែមិថុនា ឆ្នាំ២០២៥ ក្រុមបាល់ទាត់ពិធីករកីឡាកម្ពុជា គាំទ្រដោយ រដ្ឋបាលខេត្តសៀមរាប បានរៀបចំកម្មវិធីបរិច្ចាគឈាមក្រោមប្រធានបទ «យើងបរិច្ចាគឈាមជួយសង្គ្រោះជីវិតមនុស្ស» ដោយមានការអញ្ជើញចូលរួមវត្ដមានដ៏ខ្ពង់ខ្ពស់របស់ឯកឧត្តម ហ៊ុន ម៉ានី ប្រពឹត្តឡើងនៅសួនច្បារខាងជើងព្រះអង្គចេក ព្រះអង្គចម ក្នុងខេត្តសៀមរាប ទទួលបានការគាំទ្រ និងចូលរួមពីសំណាក់បងប្អូនប្រជាជននៅក្នុងខេត្តសៀមរាបយ៉ាងច្រើនកោះករ។ សូមបញ្ជាក់ថា កម្មវិធីបរិច្ចាគឈាមនេះបានបំបែកកំណត់ត្រាមិនធ្លាប់មាន ២ដងផ្សេងៗគ្នា គឺទី១នៅរាជធានីភ្នំពេញ នៅថ្ងៃទី១៨ ខែកុម្ភៈ ២០២៥ ទទួលបានចំនួន ១,២៥៧សាក់ និងទី២ នៅខេត្តសៀមរាប នៅថ្ងៃទី១៩–២០ ខែមិថុនា ឆ្នាំ២០២៥ ទទួលបានចំនួន ១,៥៥៥សាក់ ដែលត្រូវបានរៀបចំឡើងដោយរដ្ឋបាលខេត្តសៀមរាប សហការជាមួយមជ្ឈមណ្ឌលជាតិផ្ដល់ឈាម សហភាពសហព័ន្ធយុវជនកម្ពុជា និងក្រុមការងារពិធីករកីឡាកម្ពុជា។ លើសពីការបរិច្ចាគឈាម គឺជាការចូលរួមបង្កើតទម្លាប់ល្អ និងវប្បធម៌បរិច្ចាគឈាមដោយស្ម័គ្រចិត្ត ដើម្បីជំរុញ និងលើកកម្ពស់ឱ្យយុវជន ក៏ដូចជាពលរដ្ឋទូទាំងប្រទេស ព្រោះការបរិច្ចាគឈាមប្រៀបដូចជាការផ្តល់ជីវិតឱ្យអ្នកដទៃបានរស់បន្តទៀត ហើយការបរិច្ចាគឈាម មិនប៉ះពាល់ដល់សុខភាពនោះទេ។ ក្រៅពីកម្មវិធីការបរិច្ចាគឈាម នៅក្នុងថ្ងៃទី២០ មិថុនា ឆ្នាំ២០២៥ ក៏មានកម្មវិធីប្រកួតទាត់បាល់មិត្តភាព រវាងក្រុមបាល់ទាត់រដ្ឋបាលខេត្តសៀមរាប ជាមួយក្រុមបាល់ទាត់ពិធីករកីឡាកម្ពុជា នៅកីឡដ្ឋាន SRU ខេត្ដសៀមរាប។ ឯកឧត្តម ហ៊ុន ម៉ានី មានចូលរួមប្រកួតផងដែរ ក្នុងនាមជាប្រធានកិត្តិយសក្រុមបាល់ទាត់ពិធីករកីឡាកម្ពុជា ការប្រកួតបាល់ទាត់នេះ រៀបចំឡើងដើម្បីលើកកម្ពស់សុខភាព រឹតចំណងមិត្តភាព និងសាមគ្គីភាព ហើយលទ្ធផលក្រុមបាល់ទាត់ពិធីករកីឡាកម្ពុជា យកឈ្នះទៅលើក្រុមបាល់ទាត់រដ្ឋបាលខេត្តសៀមរាប៕
ទីក្រុងឡុងដ៍៖ក្រុមហ៊ុនឃ្លាំមើលការប្រឆាំងនឹងការទុកចិត្តរបស់ចក្រភពអង់គ្លេសបាននិយាយកាលពីថ្ងៃអង្គារថា ក្រុមហ៊ុនបច្ចេកវិទ្យាយក្សអាមេរិក Google អាចត្រូវបានបង្ខំឲ្យអ្នកប្រើប្រាស់ជនជាតិអង់គ្លេសជ្រើសរើស ក្នុងការប្រើសេវាកម្មស្វែងរកគូប្រជែង ឬអត់នោះ ខណៈខ្លួនបានស្នើឲ្យប្រើប្រាស់បទប្បញ្ញត្តិឌីជីថលថ្មីដើម្បីជំរុញការប្រកួតប្រជែង យោងតាមការចេញផ្សាយពីគេហទំព័រ Japan Today ។ អាជ្ញាធរប្រកួតប្រជែង និងទីផ្សារបាននិយាយថា វិធានការអាទិភាពរបស់ខ្លួនរួមមានការតម្រូវឲ្យក្រុមហ៊ុន...
អាមេនី ៖ យោងតាមការចេញផ្សាយពីគេហទំព័រ RTបានប្រាប់ឲ្យដឹងថា ភាពជាអ្នកដឹកនាំ របស់ប្រទេសអាមេនី បានប្រែក្លាយនយោបាយ ទៅជាសៀកប្រឈមមុខដាក់គ្នា ដែលជាអ្នកជំនួញ ជនជាតិរុស្សី-អាមេនី ត្រូវបានចាប់ខ្លួន បន្ទាប់ពីលោកចូលកាន់សាសនាចក្រ Apostolic អាមេនីប្រឆាំងនឹងការដឹកនាំ...
តៃវ៉ាន់ ៖ យោងតាមការចេញ ផ្សាយ ពីគេហទំព័រ VN Express បានប្រាប់ឲ្យដឹងថា នាង Cai Yuxin តារាម៉ូដែលរថយន្តតៃវ៉ាន់ ដ៏ល្បីមួយរូប បានទទួលមរណភាពហើយ...
ថៃ៖ យោងតាមការចេញផ្សាយ ពីគេហទំព័រ VN Express បានប្រាប់ឲ្យដឹងថា ប៉ូលិសថៃបានចាប់ខ្លួនជន សង្ស័យឆបោក២០នាក់ មកពីជនជាតិកូរ៉េខាងត្បូង និងជនជាតិចិនម្នាក់ ដែលត្រូវបានគេរកឃើញថា កំពុងធ្វើសកម្មភាពនៅវីឡាអាងហែលទឹក ដ៏ប្រណីតមួយក្នុងស្រុក Bang...