តូក្យូ៖ប្រភពជិតស្និទ្ធ នឹងបញ្ហានេះ បាននិយាយថា ក្រុមហ៊ុន Google LLC និងក្រុមហ៊ុន Facebook Inc គ្រោងនឹងចាប់ផ្តើម កក់ប្រាក់ ចំណូលពី ការផ្សាយពាណិជ្ជកម្មក្នុងស្រុកពី ប្រតិបត្តិការរបស់ប្រទេសជប៉ុន ត្រូវបានគេចុះផ្សាយនៅក្នុង ប្រទេស ដទៃទៀតជាមួយនឹងអត្រាពន្ធសាជីវកម្ម ទាបយោង តាមការ ចេញផ្សាយពី គេហទំព័រជប៉ុនធូដេ។
ការផ្លាស់ប្តូរនេះទំនងជាឆ្លើយតបទៅ នឹងសម្ពាធពិភពលោកជុំវិញវិធានការសន្សំពន្ធរបស់ក្រុមហ៊ុនយក្សអាយ ធីដោយក្រុមហ៊ុន Google បានប្រកាសប្រាក់ ចំណូលប្រតិបត្តិការ របស់ខ្លួននៅប្រទេសសិង្ហបុរី និង Facebook ផ្ទេរប្រាក់ចំណូល ទៅប្រទេសអៀរឡង់។ ក្រុមហ៊ុន Amazon.com បានបញ្ឈប់ការកក់ប្រាក់ ចំណូលពីអាជីវកម្មជប៉ុន របស់ខ្លួននៅសហរដ្ឋអាមេរិកហើយ បានចាប់ផ្តើមប្រកាស ប្រាក់ចំណូលក្នុងស្រុក។
អ្នកជំនាញហិរញ្ញវត្ថុសាជីវកម្ម បាននិយាយថា ចំនួនទឹកប្រាក់នៃការបង់ ពន្ធដោយ Google និងFacebook នៅក្នុងប្រទេសជប៉ុនមានចំនួន តិចណាស់បើគិតពីទំហំប្រតិបត្តិការ របស់ពួកគេនៅក្នុងប្រទេស។
ក្រុមហ៊ុនបច្ចេកវិទ្យាយក្ស ២ដែលមានចំនួន ជាងពាក់កណ្តាលនៃទីផ្សារផ្សាយពាណិជ្ជកម្ម ឌីជីថលត្រូវបានគេជឿជាក់ថា នឹងចែកចាយចំណែក ប្រហាក់ប្រហែលនៃទីផ្សារ ផ្សាយពាណិជ្ជកម្មតាម អ៊ីនធើណេត នៅជប៉ុនប៉ាន់ស្មានថាមានចំនួន ១,៤៥ ពាន់ពាន់លានយ៉េន (១៣ ពាន់លានដុល្លារ) ពីក្រុមហ៊ុននៅជប៉ុន។
Google បានកក់ប្រាក់ ចំណូលពីការផ្សាយ ពាណិជ្ជកម្មទទួលបានពីអាជីវកម្ម នៅក្នុងប្រទេស ជប៉ុនដែល ទទួលបានតាមរយៈកិច្ចសន្យា ធ្វើឡើងដោយ អង្គភាពសិង្ហបុរី។ ក្រុមហ៊ុនចាប់តាំងពី ខែមេសាឆ្នាំនេះអង្គភាព ជប៉ុនរបស់ Google បានចុះកិច្ចសន្យាផ្ទាល់ ជាមួយអតិថិជនជប៉ុន៕ ដោយ៖លី ភីលីព
