តូក្យូ៖ ក្រុមហ៊ុន ANA Holdings របស់ជប៉ុនបាននិយាយថា ខ្លួននឹងទិញយន្ដហោះប្រភេទBoeing 787-10 និង 787-9 ចំនួន២០គ្រឿងដោយយន្ដហោះរំពឹងថា នឹងដំណើរការនៅចន្លោះឆ្នាំ២០២២ និង ២០២៥ យោងតាមការចេញផ្សាយ ពីគេហទំព័រជប៉ុនធូដេ ។
ការបញ្ជាទិញនឹងត្រូវធ្វើឡើងដោយយន្តហោះចំនួន១១ 787-10 ដែលនឹងបម្រើដល់ផ្លូវហោះហើរក្នុងស្រុក និងយន្តហោះ 787-9 សម្រាប់គោលដៅអន្តរជាតិ ។
ស្លាកតម្លៃមិនត្រូវបានបង្ហាញទេ ។ ក្រុមហ៊ុនអាកាសចរណ៍All Nippon Airways បានផ្លាស់ប្តូរBoeing 777s របស់ខ្លួនជាបណ្តើរៗដោយ787s ដោយលើកឡើងពីប្រសិទ្ធភាពឥន្ធនៈប្រសើរជាងមុន និងការកាត់បន្ថយការបញ្ចេញសំឡេងរំខាន ។
ក្រុមហ៊ុនបាននិយាយថា នៅពេលយន្តហោះដែលបានបញ្ជាទិញទាំង២០គ្រឿងថ្មី ត្រូវបានដាក់ឲ្យដំណើរការក្រុមហ៊ុន ANA នឹងប្រតិបត្តិការប្រមាណ 103 787s។ លោក Yutaka Ito អនុប្រធានប្រតិបត្តិក្រុមហ៊ុន ANA និងក្រុមហ៊ុន ANA Holdings បានថ្លែងថា៖ យន្តហោះ 787sរបស់ក្រុមហ៊ុន Boeing បានបម្រើសេវាកម្ម ANA ដោយមានភាពខុសគ្នាហើយយើងមានមោទនភាព ក្នុងការពង្រីកនាវារបស់យើងដោយបន្ថែម យន្តហោះទំនើបទាំងនេះបន្ថែមទៀត ។
លោក Ito បានបន្ថែមថា យន្តហោះទាំងនេះតំណាងឲ្យការបោះជំហានទៅមុខយ៉ាងសំខាន់មួយសម្រាប់ក្រុមហ៊ុន ANA ខណៈយើងកំពុងធ្វើការ ដើម្បីធ្វើឲ្យយន្តហោះទាំងមូលរបស់យើង កាន់តែមានលក្ខណៈបរិស្ថាន និងកាត់បន្ថយសម្លេងរំខាន ៕ ដោយ៖លី ភីលីព
