សេនហ្វ្រេនស៊ីស្កូ ៖ លោក Elon Musk បានជូនដំណឹងដល់និយតករ សហរដ្ឋអាមេរិកថា លោកនឹងពឹងផ្អែកតិចលើប្រាក់កម្ចីនៅក្នុងការដេញថ្លៃរបស់លោក ដើម្បីទិញបណ្តាញផ្សព្វផ្សាយសង្គមយក្សអាមេរិក Twitter ខណៈលោក និងដៃគូបានដាក់ប្រាក់ចំនួន ៣៣.៥ ពាន់លានដុល្លារ ទៅលើកិច្ចព្រមព្រៀង។
ភាគហ៊ុនរបស់ Twitter បានកើនឡើងច្រើនជាង ៥ ភាគរយលើព័ត៌មាននេះ ដោយសារតែទីផ្សារ បានចាត់ទុកវាជាសញ្ញាមួយថាការទិញយកកំពុងឆ្ពោះទៅមុខ បើទោះបីជាលោក Musk ប្រកាសថា វានៅលើការផ្អាក ដោយសារតែការព្រួយបារម្ភរបស់គាត់ អំពីចំនួនគណនីអាចជាកម្មវិធី “bots” ជំនួសវិញរបស់មនុស្សពិត។
ប្រធានក្រុមហ៊ុន Tesla បាននិយាយលើឯកសារមួយ ទៅកាន់គណៈកម្មការមូលបត្រអាមេរិកថា លោកនឹងស្វែងរកប្រាក់កម្ចីចំនួន ១៣ ពាន់លានដុល្លារសម្រាប់ការទិញ Twitter ជំនួសឲ្យការប្រើប្រាស់បំណុលជិត២ដង ដូចដែលបានបញ្ជាក់ពីមុន។ លោក Musk បានកំពុងទាក់ទងអ្នកវិនិយោគ Twitter សំខាន់ៗ រួមទាំងសហស្ថាបនិក Jack Dorsey ក្នុងក្តីសង្ឃឹមថានឹងធ្វើឲ្យពួកគេក្លាយជាដៃគូជាមួយលោកក្នុងការទទួលយកក្រុមហ៊ុនឯកជនដែលមានមូលដ្ឋាននៅទីក្រុង San Francisco ។
លោក Musk បាននិយាយនៅក្នុងឯកសារបទប្បញ្ញត្តិថា លោកមានការប្តេជ្ញាចិត្តថ្មីនឹងធ្វើឲ្យលោកពឹងផ្អែកតិចលើប្រាក់កម្ចីដើម្បីទិញ Twitter ប៉ុន្តែមិនបានបញ្ជាក់ថា តើលោកកំពុងចូលទៅក្នុងហោប៉ៅផ្ទាល់ខ្លួន របស់លោកដើម្បីលុយ ឬបានឈ្នះលើអ្នកផ្សេងទៀតជាមួយនឹងភាគហ៊ុនធំក្នុងក្រុមហ៊ុននោះទេ។
អ្នកវិភាគមានការព្រួយបារម្ភអំពី Musk ប្រើប្រាស់ភាគហ៊ុន Tesla របស់លោក មានតម្លៃរាប់ពាន់លានដុល្លារ ដើម្បីគាំទ្រប្រាក់កម្ចី មានន័យថា តម្លៃភាគហ៊ុនរបស់ក្រុមហ៊ុនរថយន្តអគ្គិសនី នឹងរងផលប៉ះពាល់ ដោយទ្រព្យសម្បត្តិរបស់ Twitter ។ លោក Dan Ives អ្នកវិភាគ Wedbush បាននិយាយនៅក្នុងធ្វីតធឺថា Musk ការផ្លាស់ប្តូររចនាសម្ព័ន្ធ ហិរញ្ញប្បទានការទិញ Twitter គឺជាការផ្លាស់ប្តូរដ៏ល្អ ប៉ុន្តែថាការទិញយកល្បែងបៀរ ដែលមានប្រាក់ភ្នាល់ខ្ពស់នៅតែបន្ត៕ ដោយ៖លី ភីលីព
