ទីក្រុងឡុងដ៍៖ អាជ្ញាធរចក្រភពអង់គ្លេស បាននិយាយជាផ្លូវការថា អាជីវកម្ម និងអ្នកប្រើប្រាស់អង់គ្លេសទំនង ជាត្រូវការកំណែឌីជីថលនៃប្រាក់ផោន ដោយស្នើសុំមតិសាធារណៈជាផ្លូវការ អំពីគំនិតនៃការណែនាំរូបិយប័ណ្ណឌីជីថល របស់ធនាគារកណ្តាល យោងតាមការចេញផ្សាយ ពីគេហទំព័រជប៉ុនធូដេ។
ចក្រភពអង់គ្លេស ដែលជាមជ្ឈមណ្ឌលហិរញ្ញវត្ថុ ធំជាងគេទី២របស់ពិភពលោក កំពុងតាមពីក្រោយអតីតអាណានិគមដូចជា នីហ្សេរីយ៉ា បាហាម៉ា និងហ្សាម៉ាអ៊ីកក្នុងការបង្កើតរូបិយប័ណ្ណឌីជីថល។ នេះបើយោងតាមអ្នកប្រឹក្សា PwC បាននិយាយថា ជាង ៨០ ភាគរយនៃធនាគារកណ្តាល របស់ពិភពលោក កំពុងពិចារណាដាក់ឲ្យដំណើរការ រូបិយប័ណ្ណឌីជីថល ឬបានធ្វើរួចហើយ ។
ប្រធានរតនាគារលោក Jeremy Hunt បាននិយាយក្នុងសេចក្តីថ្លែងការណ៍មួយថា ផោនឌីជីថលដែលចេញ និងគាំទ្រដោយធនាគារ នៃប្រទេសអង់គ្លេសអាចជាវិធីថ្មីមួយ ដើម្បីទូទាត់ប្រាក់អាចជឿទុកចិត្តបាន និងងាយស្រួលប្រើ។ នោះហើយជាមូលហេតុ ដែលយើងចង់ស៊ើបអង្កេតនូវអ្វី ដែលអាចធ្វើទៅបានជាមុន ដែលត្រូវធ្វើឲ្យប្រាកដថា យើងការពារស្ថិរភាពហិរញ្ញវត្ថុ។
ការអំពាវនាវឲ្យមានការបញ្ចូល ជាសាធារណៈកើតឡើងជិត២ឆ្នាំ បន្ទាប់ពីរតនាគារ និងធនាគារអង់គ្លេសបាននិយាយថា ពួកគេកំពុងពិចារណាដាក់ឲ្យប្រើប្រាស់រូបិយប័ណ្ណឌីជីថល។ លោកនាយករដ្ឋមន្រ្តី Rishi Sunak បានស្នើឲ្យដាក់ឈ្មោះគំនិតផ្តួចផ្តើម “Britcoin” នៅពេលលោកជាប្រធានរតនាគារធនាគារ នៃអង់គ្លេសបានសង្កត់ធ្ងន់ថា រូបិយប័ណ្ណមានសក្តានុពល មិនគួរច្រឡំជាមួយរូបិយប័ណ្ណអេឡិចត្រូនិក ដូចជា Bitcoin ទេ។
ធនាគារកណ្តាលអង់គ្លេសបាននិយាយ នៅលើគេហទំព័ររបស់ខ្លួនថា គាំទ្រដោយធនាគារកណ្តាល រូបិយប័ណ្ណថ្មីនឹងអាចទុកចិត្តបាន និងរក្សាតម្លៃរបស់វាតាមពេលវេលាផ្ទុយទៅនឹងរូបិយប័ណ្ណគ្រីបតូ អាចប្រែប្រួលយ៉ាងខ្លាំង និងគំរាមកំហែង ដល់ការកាន់កាប់របស់វិនិយោគិន៕ ដោយ៖លី ភីលីព
