ភ្នំពេញ៖ ថ្ងៃទី ៩ ខែតុលា ឆ្នាំ ២០២៤ – ក្រុមហ៊ុន Vietjet បន្តការពង្រីកបណ្តាញហោះហើរដ៏រឹងមាំរបស់ខ្លួន តាមរយៈព្រឹត្តិការណ៍សំខាន់ៗចំនួនពីរ រួមមាន កិច្ចព្រមព្រៀងជាមួយក្រុមហ៊ុន CFM ដើម្បីទិញម៉ាស៊ីន LEAP-1B ជាង ៤០០ គ្រឿង និងយន្តហោះ Airbus A321neo ថ្មីចំនួនមួយគ្រឿង។ ភាគីទាំងពីរ បានបង្ហាញពីការប្តេជ្ញាចិត្តរបស់ក្រុមហ៊ុនអាកាសចរណ៍ក្នុងការធ្វើទំនើបកម្មកងនាវាអាកាសចរណ៍របស់ខ្លួន និងបង្កើនប្រសិទ្ធភាពប្រតិបត្តិការរបស់ខ្លួនឆ្ពោះទៅរកការធ្វើប្រតិបត្តិការអាជីវកម្មអាកាសចរណ៍ប្រកបដោយនិរន្តរភាព។
កិច្ចព្រមព្រៀងមួយក្នុងចំណោមកិច្ចព្រមព្រៀងទាំងពីរ – ដើម្បីផ្តល់សេវាបច្ចេកទេសម៉ាស៊ីន និងម៉ាស៊ីន – ត្រូវបានចុះហត្ថលេខានៅចំពោះមុខប្រធានាធិបតីវៀតណាម លោក To Lam និងប្រធានាធិបតីបារាំង លោកEmmanuel Macron នៅវិមាន Élysée។ កិច្ចព្រមព្រៀងទាំងពីរត្រូវបានប្រកាសឡើង ខណៈដែលក្រុមហ៊ុន Vietjet ត្រៀមនឹងបង្កើនប្រេកង់ហោះហើរនៅលើផ្លូវដែលតភ្ជាប់ខេត្តសៀមរាបទៅកាន់ទីក្រុងហាណូយរបស់វៀតណាម ក៏ដូចជាផ្លូវហោះហើរទៅកាន់តតំបន់ផ្សេងៗទៀតនៅទូទាំងអាស៊ី។
Vietjet ពង្រឹងភាពជាដៃគូជាមួយក្រុមហ៊ុន CFM ដោយចុះកិច្ចព្រមព្រៀងទិញម៉ាស៊ីនយន្តហោះ LEAP-1B
ភាពជាដៃគូរបស់ក្រុមហ៊ុន Vietjet ជាមួយក្រុមហ៊ុន CFM International ដែលជាក្រុមហ៊ុនបណ្តាក់ទុនរួមគ្នារវាងក្រុមហ៊ុន Safran Aircraft Engines និង ក្រុមហ៊ុន GE Aerospace បានបញ្ជាក់ជាថ្មីនូវការប្តេជ្ញាចិត្តសម្រាប់ការផ្គត់ផ្គង់ម៉ាស៊ីន និងសេវាកម្មបច្ចេកទេសម៉ាស៊ីនជាង ៤០០ LEAP-1B ដែលមានតម្លៃប៉ាន់ស្មានចំនួន ៨ ពាន់លានដុល្លារ ដើម្បីបង្កើនថាមពលដល់យន្តហោះដែលមានទំហំតូច។ កិច្ចព្រមព្រៀងនេះ ត្រូវបានចុះហត្ថលេខានៅចំពោះមុខប្រធានាធិបតីវៀតណាម លោក To Lam និងប្រធានាធិបតីបារាំង លោក Emmanuel Macron នៅវិមាន Élysée នាថ្ងៃទី ៧ ខែតុលា។
ម៉ាស៊ីននេះ ត្រូវបានបញ្ជាទិញចំនួនពីរលើកដែលបានប្រកាសពីមុនក្នុងឆ្នាំ ២០១៦និង ២០១៨ ហើយយន្តហោះត្រូវបានគេគ្រោងនឹងចាប់ផ្តើមប្រគល់ជូននៅឆ្នាំ ២០២៥។ ប្រភេទម៉ាស៊ីន CFM LEAP ផ្តល់នូវការប្រើប្រាស់ប្រេងឥន្ធនៈតិចជាង ១៥ ទៅ ២០ ភាគរយ និងកាត់បន្ថយការបំភាយឧស្ម័នកាបូន CO2 ក៏ដូចជាឆេះស្ងាត់ល្អមិនសូវមានសម្លេងរំខាន បើប្រៀបធៀបទៅនឹងម៉ាស៊ីនជំនាន់មុន។
លោក Gaël Méheust ប្រធាន និងជានាយកប្រតិបត្តិនៃក្រុមហ៊ុន CFM International បានកត់សម្គាល់ថា “អស់រយៈពេលជាងមួយទសវត្សរ៍ យើងបានធ្វើការយ៉ាងជិតស្និទ្ធជាមួយក្រុមហ៊ុនអាកាសចរណ៍ VietJet ដើម្បីណែនាំកម្មវិធីជំនួយទាក់ទងនឹងការគ្រប់គ្រងបច្ចេកទេស ការបណ្តុះបណ្តាល និងការកែលម្អប្រសិទ្ធភាពប្រេងឥន្ធនៈសម្រាប់កងនាវាអាកាសចរណ៍ CFM56 របស់ខ្លួន ហើយឥឡូវនេះ ក៏រំពឹងថានឹងបានពង្រីកការអនុវត្តទាំងនេះទៅប្រើម៉ាស៊ីន LEAP-1B ជំនាន់ថ្មី។ យើងមានកិត្តិយសណាស់ ដែលក្រុមហ៊ុន Vietjet បានផ្តល់ទំនុកចិត្តខ្ពស់លើក្រុមហ៊ុន CFM របស់យើង ហើយយើងសូមឆ្លៀតយកឱកាសនេះ ដើម្បីជំរុញពង្រឹងបន្ថែមទៀតនូវកិច្ចសហប្រតិបត្តិការល្អក្នុងឆ្នាំនេះក៏ដូចជាទៅថ្ងៃអនាគតផងដែរ។
លោកស្រីបណ្ឌិត Nguyen Thi Phuong Thao ប្រធានក្រុមហ៊ុន Vietjet បានបន្ថែមថា “យើងពិតជាមានគុណតម្លៃ និងមានកិត្តិយសខ្លាំងណាស់ ចំពោះភាពជាដៃគូជាយុទ្ធសាស្ត្រនេះ។ ក្រុមហ៊ុនផលិតម៉ាស៊ីនឈានមុខគេលើពិភពលោក ដូចជា ក្រុមហ៊ុន Safran និង CFM បានធ្វើការជាមួយក្រុមហ៊ុន Vietjet ដើម្បីផ្តល់សេវាការធ្វើដំណើរតាមយន្តហោះដែលមានតម្លៃសមរម្យសម្រាប់មនុស្សរាប់លាននាក់ ដែលជំរុញឱ្យមានកំណើនការធ្វើដំណើរនៅក្នុងទីផ្សារអាកាសចរណ៍អាស៊ីប៉ាស៊ីហ្វិក រួមទាំងវៀតណាមផងដែរ។ កិច្ចព្រមព្រៀងថ្ងៃនេះ ត្រូវបានធ្វើឡើងដើម្បីប្រើប្រាស់ម៉ាស៊ីនយន្តហោះដែលសន្សំសំចៃប្រេង ដែលជំរុញដល់ការពង្រឹងការប្តេជ្ញាចិត្តរបស់យើងចំពោះនិរន្តរភាពអាជីវកម្មរបស់យើង។ អ្នកដំណើររបស់យើងនឹងរីករាយជាមួយការហោះហើរកាន់តែមានភាពបៃតង និងមានប្រសិទ្ធភាពជាងមុន»។
ក្នុងនាមជាដៃគូយុទ្ធសាស្ត្ររយៈពេលវែង ការសហការជាមួយក្រុមហ៊ុន Safranនិងក្រុមហ៊ុន CFM រហូតមកដល់ពេលនេះ បានជួយផ្តល់មិនត្រឹមតែម៉ាស៊ីនយន្តហោះប៉ុណ្ណោះទេ តែក៏ក៏ផ្តល់នូវកៅអីយន្តហោះ ផ្ទៃខាងក្នុងកាប៊ីនដ៏ស្រស់ស្អាត និងការបណ្តុះបណ្តាលការគ្រប់គ្រងម៉ាស៊ីនដល់បុគ្គលិករបស់ Vietjet ទៀតផង។ តាមរយៈសេវាទាំងនេះ វាក៏បង្កើតឱ្យមានបរិក្ខារថែយន្តហោះ រួមទាំបច្ចេកវិទ្យាកម្រិតខ្ពស់ និងមជ្ឈមណ្ឌលបណ្តុះបណ្តាលនៅវៀតណាម ដោយពង្រឹងជំហររបស់ប្រទេសជាមជ្ឈមណ្ឌលអាកាសចរណ៍ក្នុងតំបន់ផងដែរ។
ក្រុមហ៊ុន Vietjet ស្វាគមន៍ Airbus A321neo ថ្មី ដែលនឹងត្រូវប្រើក្នុងកងនាវាអាកាសចរណ៍ដែលកំពុងពង្រីករបស់ខ្លួន
នៅអាកាសយានដ្ឋាន Orly ក្នុងទីក្រុងប៉ារីសនាថ្ងៃទី ៧ ខែតុលា ក្រុមហ៊ុន Vietjet បានប្រារព្ធការមកដល់នៃការបន្ថែមចុងក្រោយបំផុតនៃកងនាវាអាកាសចរណ៍របស់ខ្លួន គឺយន្តហោះ Airbus A321neo នៅក្នុងពិធីមួយដែលមានការចូលរួមដោយតំណាងជាន់ខ្ពស់មកពីប្រទេសវៀតណាម និងបារាំង។ យន្តហោះថ្មីនេះ គឺជាផ្នែកមួយនៃកិច្ចខិតខំប្រឹងប្រែងកាន់តែទូលំទូលាយរបស់ក្រុមហ៊ុន Vietjet ដើម្បីពង្រីកកងនាវាអាកាសចរណ៍របស់ខ្លួន និងកែលម្អនិរន្តរភាពតាមរយៈបច្ចេកវិទ្យាសន្សំសំចៃប្រេង។
លោកស្រីបណ្ឌិត Nguyen Thi Phuong Thao ប្រធានក្រុមហ៊ុន Vietjet បានមានប្រសាសន៍ថា៖ “យន្តហោះ Vietjet តាំងបង្ហាញនិមិត្តសញ្ញា ៥០ ឆ្នាំនៃទំនាក់ទំនងការទូតវៀតណាម – បារាំង គឺជាព្រឹត្តិការណ៍ដ៏សំខាន់មួយក្នុងការអភិវឌ្ឍន៍កិច្ចសហប្រតិបត្តិការសេដ្ឋកិច្ច វប្បធម៌ និងពាណិជ្ជកម្មរវាងប្រជាជាតិទាំងពីរ ផ្សព្វផ្សាយតម្លៃរួមរវាងប្រជាជន និងមិត្តភាពអន្តរជាតិ។ យើងមានសេចក្តីសោមនស្សរីករាយណាស់ ដែលកិច្ចសហប្រតិបត្តិការរវាងក្រុមហ៊ុន Vietjet និងដៃគូបារាំងទទួលបានលទ្ធផលវិជ្ជមាន ដែលវាក៏នឹងជួយបង្កើតមូលដ្ឋានគ្រឹះដ៏រឹងមាំសម្រាប់ភាពជាដៃគូយុទ្ធសាស្ត្រវៀតណាម-បារាំង។ ព្រឹត្តិការណ៍ថ្ងៃនេះមានអត្ថន័យពិសេសខ្លាំងណាស់ ព្រោះវាបានបង្ហាញពីភាពជោគជ័យនៃកិច្ចប្រជុំកំពូល Francophonie Summit លើកទី ១៩ ដោយមានការចូលរួមពីមេដឹកនាំមកពីប្រទេសសមាជិកជិត ១០០ ប្រទេសផងដែរ។
ថ្លែងក្នុងព្រឹត្តិការណ៍នេះ លោក Benoît de Saint-Exupéry អនុប្រធានប្រតិបត្តិក្រុមហ៊ុន Airbus ផ្នែកលក់ខាងអាជីវកម្មយន្តហោះពាណិជ្ជកម្មបានមានប្រសាសន៍ថា “ព្រឹត្តិការណ៍ថ្ងៃនេះ គឺជាព្រឹត្តិការណ៍ដ៏សំខាន់មួយទៀតក្នុងភាពជាដៃគូយូរអង្វែងរបស់ក្រុមហ៊ុន Airbus ជាមួយក្រុមហ៊ុនអាកាសចរណ៍ឧស្សាហកម្ម Vietjet និងវៀតណាម។ ការផ្តល់យន្តហោះA321neo មួយគ្រឿងទៀតនេះ គឺជាជំហានសំខាន់ក្នុងការពង្រីកកងនាវាអាកាសចរណ៍ដ៏មានមហិច្ឆតារបស់ Vietjet រួមជាមួយនឹងការបញ្ជាទិញយន្តហោះ A330neo ចំនួន ២០ គ្រឿងនៅឯពិព័រណ៍ Farnborough Airshow របស់ក្រុមហ៊ុន Vietjet នាពេលថ្មីៗកន្លងទៅនេះ។ យើងពិតជាមានមោទនភាព និងទន្ទឹងរង់ចាំការបន្តកិច្ចសហប្រតិបត្តិការ និងភាពជោគជ័យជាមួយក្រុមហ៊ុន Vietjet យូរអង្វែងថែមទៀត។
យន្តហោះជំនាន់ថ្មី A321neo ត្រូវបានរចនាឡើងផ្តោតលើការសន្សំសំចៃប្រេង ជួយកាត់បន្ថយសម្លេងរំខានបានរហូតដល់ ៥០% និងការសន្សំសំចៃប្រេងជាង ២០% និងកាត់បន្ថយការបំភាយឧស្ម័នកាបូន CO₂ បើប្រៀបធៀបទៅនឹងយន្តហោះផ្លូវជំនាន់មុន ដែលការបញ្ជាទិញយន្តហោះនេះ គឺស្របតាមគោលដៅនិរន្តរភាពរបស់ Vietjet ។ ជាមួយនឹងយន្តហោះជាង ១០០ នៅក្នុងកងនាវាអាកាចរណ៍របស់ខ្លួន ក្រុមហ៊ុនអាកាសចរណ៍ Vietjet បន្តពង្រីកផ្លូវហោះហើរអន្តរជាតិរបស់ខ្លួននៅទូទាំងអាស៊ី និងទៅកាន់តំបន់ផ្សេងៗជាច្រើនទៀត ដែលនេះបានរួមចំណែកដល់ការបង្កើតការងារ និងការផ្ទេបច្ចេកវិទ្យានៅក្នុងប្រទេសវៀតណាម។ រហូតមកដល់ពេលនេះ Vietjet បានបញ្ជាទិញយន្តហោះសរុបចំនួន ២០៦ គ្រឿងជាមួយក្រុមហ៊ុន Airbus ។
បន្ទាប់ពីការផ្តល់ជូនយន្តហោះ A321neo នេះ ក្រុមហ៊ុន Airbus នឹងធ្វើការផ្តល់ជូនយន្តហោះថ្មីបន្ថែមទៀតដល់ក្រុមហ៊ុន Vietjet ចាប់ពីពេលនេះរហូតដល់ដំណាច់ឆ្នាំ ២០២៤ ដោយគាំទ្រដល់ផែនការពង្រីកបណ្តាញជើងហោះហើររបស់ក្រុមហ៊ុនអាកាសចរណ៍។ ថ្មីៗនេះ ក្រុមហ៊ុនអាកាសចរណ៍បានប្រកាសនូវសេវាកម្មថ្មីជាបន្តបន្ទាប់ និងការបង្កើនប្រេកង់សម្រាប់ទិសដៅពេញនិយមនៅទូទាំងអាស៊ី រួមមានខេត្តសៀមរាប វៀងច័ន្ទន៍ កូឡាឡាំពួរ បាលី តៃណាន ណាហ្គោយ៉ា ប៊ូសាន និងដេហ្គូ។ សម្រាប់អ្នកធ្វើដំណើរពីប្រទេសកម្ពុជា អាចធ្វើដំណើរតាមផ្លូវសៀមរាប-ហាណូយ នឹងដំណើរការជារៀងរាល់ថ្ងៃចាប់ពីថ្ងៃទី ២៧ ខែតុលា ឆ្នាំ ២០២៤ ដោយផ្តល់ជូននូវជម្រើសហោះហើរក្នុងតម្លៃសមរម្យបន្ថែមទៀត។
អំពី ក្រុមហ៊ុន Vietjet
ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេសវៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ត្រួសត្រាយផ្លូវទូទាំងតំបន់ និងជុំវិញពិភពលោកផងដែរ។ ដោយផ្តោតលើការគ្រប់គ្រងតម្លៃ ប្រតិបត្តិការប្រកបដោយប្រសិទ្ធភាពនិងការអនុវត្ត ការប្រើប្រាស់បច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃ និងតម្លៃសមរម្យ ព្រមទាំងសេវាកម្មចម្រុះដើម្បីបំពេញតម្រូវការរបស់អតិថិជន។
ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភពលោក airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបានគេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗដូចជា Skytrax, CAPA, Airline Ratings និងជាច្រើនទៀត។ ព័ត៌មានបន្ថែមនៅ www.vietjetair.com
