កូនប្រុសជាសេដ្ឋី រាប់រយលាន ដុល្លារ ម្ដាយស្ដេច កំប្លែងទិនហ្វីនៅ តែទិញឥវ៉ាន់ចុះតម្លៃ

By 110TR

Posted on October 28, 2019

កំពូលតារាសម្ដែង និងអ្នកដឹកនាំរឿង Stephen Chow មានទ្រព្យសម្បត្តិប្រមាណ៣០០លានដុល្លារ ប៉ុន្តែមុននេះ ម្ដាយលោកទើបតែត្រូវបានគេប្រទះឃើញដើរទិញទំនិញបញ្ចុះតម្លៃ។

បណ្ដាញព័ត៌មានហុងកុងផ្ដិតបានកម្រងរូបថតរបស់ម្ដាយកំពូលតារាសម្ដែង Stephen Chow កំពុងទិញឥវ៉ាន់នៅហាងបញ្ចុះតម្លៃមួយ។

ប្រភពដដែលបានឲ្យដឹងថា ម្ដាយរបស់តួរឿង និស្សិតផ្ដាច់សង្ខារ បានដើរចូលហាងជាច្រើនដើម្បីរើសទំនិញ ប៉ុន្តែដោយសារតែតម្លៃមិនត្រូវចិត្ត ទើបដើរចេញរហូត។ នៅទីបំផុត លោកស្រីបានសម្រចចិត្តទិញឥវ៉ាន់នៅក្នុងហាងមួយ។ ដោយគាត់បានទិញស្រោមជើង២គូក្នុងតម្លៃ១៣ដុល្លារ ដែលថោកជាងហាងផ្សេងៗ។

បណ្ដាញព័ត៌មាន On បានឲ្យដឹងថា នៅក្នុងការដើរផ្សារម្ដង ម្ដាយរបស់ស្ដេចកំប្លែង ចាយតែ២៦ដុល្លារប៉ុណ្ណោះ។ ដូចគ្នានឹងកូនរបស់ខ្លួនដែរ ទោះបីជាមានទ្រព្យរាប់រយលានដុល្លារក៏ដោយ តែម្ដាយកូននេះនៅតែមានការរស់នៅបែបសន្សំសំចៃដដែល ដ្បិតកាលពីមុនពួកគេធ្លាប់មានជីវភាពពិបាក៕

ប្រភព ៖ Sabay