កូរ៉េ៖ តារាសម្តែង Moon Ji Yoon បានលាចាកលោកហើយ ក្នុងវ័យ ៣៦ ឆ្នាំ។
ព័ត៌មានពីកាសែតកូរ៉េ Allkpop បាអោយដឹងនៅព្រឹកថ្ងៃទី ១៩ ខែមិនានេះថា តារាសម្តែង Moon Ji Yoon បានស្លាប់ភ្លាមៗ ពេលកំពុងទៅបន្ទប់សង្គ្រោះបន្ទាន់ ដោយមិនច្បាស់ថា មានជំងឺអ្វីអោយប្រាកដ ហើយអ្នកតំណាងបានលើកឡើងថា “មុនពេលស្លាប់ Ji Yoon នៅបំពេញការងារដូចធម្មតា ព្រោះលោកស្រឡាញ់ ការងារសម្តែងនេះណាស់ មិននឹកស្មានថា លោកចាកទៅលឿនបែបនេះសោះ “ ។
គ្រួសាររបស់ Ji Yoon បានបង្ហាញអារម្មណ៍មិនអស់ចិត្ត ចំពោះការស្លាប់នេះ ហើយលើកឡើងថា លោកគ្មានឈឺអ្វីទេ ហើយមានសុខភាពល្អមាំមួនណាស់ ។ ក្រុមការងារ ដែលបានទទួលដំណឹងនេះ បានបង្ហាញក្តីសោកស្តាយគ្រប់គ្នា ចំពោះការបាត់បង់រូបលោកភ្លាមៗបែបនេះ ។
លោក Moon Ji Yoon បានលេចសម្តែង ក្នុងខ្សែភាពយន្តជាច្រើន មានដូចជារឿង I Love You , Sassy Girl Chunhyang , May Queen និងភាពយន្តល្បីៗជាច្រើន ហើយលោកក៏ជាតួសម្តែង ជាប់លេខខាងមនោសញ្ចេតនា ជ្រាលជ្រៅផងដែរ ៕ ដោយ៖ ទូច សុខលីដា
