គ្រាន់តែចេញមុខ ក្នុងកម្មពិធីម្ដង កូនស្រីបង្កើតលោក ហេង ឡុង ទទួលបានការចាប់ អារម្មណ៍ខ្លាំងមិនធម្មតា

ភ្នំពេញ : អ្នកគាំទ្រចាប់អារម្មណ៍ គ្រប់គ្នា បន្ទាប់ពីដឹងថា លោក ហេង ឡុង ដែលជាប្រធានសមាគមមិត្តសិល្ប: ស្ម័គ្រចិត្តជួយសង្គម មានកូនស្រីក្រមុំ និងស្រស់ស្អាតម្នាក់ ហើយថែមទាំងមានចំណេះដឹងខ្ពស់ រហូតក្លាយជាតំណាង ឱ្យក្រុមហ៊ុនឡេងណាវ៉ាត្រា ទៀតផង។

កូនស្រីរបស់លោក ហេង ឡុង ឈ្មោះ ហេង នុត្តា បានធ្វើឱ្យមានការចាប់អារម្មណ៍ខ្លាំង ពីសំណាក់ ទស្សនិកជន ជាពិសេសអ្នកនិយម តាមដានលើបណ្ដាញ សសង្គម បន្ទាប់ពីនាងបានបង្ហាញខ្លួន ជាតំណាងផលិតកម្ម Galaxy Navatra ឡើងអានសន្ទរកថា ជាភាសា ខ្មែរនិង អង់គ្លេស កាលពីរសៀល ថ្ងៃទី០៦ ខែវិច្ឆិកាឆ្នាំ ២០២១ កន្លងទៅថ្មីៗនេះ ក្នុងឱកាសសន្និសិទ្ធកាសែត ប្រកាស់លក់សិទ្ធិបទ«Are You Ok?»បន្តទៅ ឲ្យ ផលិ តកម្មGes Tos របរបស់ចិន ។

ក្រៅតែពីរូបសម្រស់ស្រស់ស្អាត ពីធម្មជាតិ ហើយនោះ យវតីខាងលើ ត្រូវបានគេមើលឃើញថា មានចំណេះដឹងខ្លាំងផ្នែកភាសាអង់គ្លេស ដោយនៅ ចំពោះមុខអ្នកចូលរួមទាំងអស់ នាងបាន ឡើងថ្លែងសន្ទរកថាជា ភាសា អង់គ្លេស បានយ៉ាងល្អគួរ ឱ្យចង់ស្ដាប់ មិនចាញ់ជនជាតិដើមប៉ុន្មានឡើយ ។

ហេង នុត្តា បាន ថ្លែងប្រាប់អ្នកសារព័ត៌មាន ថាកត្តា ដែលជំរុញ រូបនាងមាន ភាពក្លាហាននិង អាចឈរលើ វេទិកាយ៉ាងធំ ដោយគ្មានភាពភ័យខ្លាចបែបនេះ បណ្ដាលមកពីមានការលើកទឹកចិត្តពីឪពុក ហេង ឡុង និងការគាំទ្រ ពេញទំហឹងពីអ្នកឧកញ៉ា ឡេង ណាវ៉ាត្រា ។ ម្យ៉ាងទៀតហេង នុ ត្តា ក៏បាន បញ្ជាក់ដែរថា នៅថ្ងៃអនាគត ខ្លួនអាចនឹងក្លាយជាអ្នកថ្លែងសន្ទរកថា និងជាអ្នកជួយបកប្រែ បទចម្រៀង ឱ្យផលិតកម្ម Galaxy Navtra ថែមទៀតផង ។

ជាមួយគ្នានេះដែរ ចំពោះអ្នកលេងបណ្ដាញសង្គមវិញ បានលាន់មាត់សរសើរដែរថា«ពូកែណាស់គួរអោយស្រលាញ់, គាត់និយាយ បានល្អណាស់ សរសើរ, ឪពុកឆ្នើម កូនស្រីឆ្នើម , កូនស្អាត ហើយឆ្លាតទៀត , ស្អាតណាស់, ពូកែឆ្លាតកាត់ទៅប៉ាៗ ,ស្អាតហើយឆ្លាតទៀត ចេះតែឆ្ងល់ថា អ្នកណា តាមពិតកូនស្រី លោក ហេងឡុង សោះ ។

សូមបញ្ជាក់ផងដែរថា យុវតី ហេង នុត្តា បច្ចុប្បន្នកំពុង សិក្សាថ្នាក់ ទី១០ នៃ សាលាអន្តរជាតិមួយ ក្នុងរាជធានីភ្នំពេញ ហើយនាង ត្រូវជា កូនស្រីច្បងរបស់លោក ហេង ឡុង (ភរិយាដើម) ៕

ដោយ៖ ម៉ានី