កូរ៉េខាងត្បូង ៖ យោងតាមរបាយការណ៍ កាលថ្ងៃទី៨ ខែធ្នូ លោក Jay B បានបរិច្ចាគប្រាក់១០០លានវ៉ុន ដល់មូលនិធិ Green Umbrella Children’s Foundation សម្រាប់កុមារ មកពីក្រុមងាយរងគ្រោះ ហើយបានចូលរួមជាផ្លូវការ ជាមួយ Green Noble Club ជាក្រុមអ្នកបរិច្ចាគ ដែលមានតម្លៃខ្ពស់ ពីមូលនិធិ បើយោងតាមចេញផ្សាយផ្លូវការ របស់គេហទំព័រ Allkpop ។
អំណោយរបស់លោក នឹងយកទៅផ្គត់ផ្គង់គ្រួសារ ដែលមានវិបត្តិដោយសារជំងឺរាតត្បាត COVID-19 និងកុមារត្រូវការជំនួយ ។ Jay B ត្រូវបានតែងតាំង ជាឯកអគ្គរដ្ឋទូត ‘3rd National Audit Letter Contest’ រៀបចំដោយ Green Umbrella Children’s Foundation ក្នុងឆ្នាំ២០១៨ ហើយលោកបាន ឧបត្ថម្ភមូលនិធិ តាំងពីពេលនោះមក ដោយបរិច្ចាគប្រាក់ ចំណូល ពីការប្រគុំតន្ត្រី របស់លោក បន្ទាប់ពីចុះហត្ថលេខា ជាមួយ H1ghr Music នៅឆ្នាំនេះ ធ្វើការបរិច្ចាគ របស់លោកបានលើសពី ១០០ លានវ៉ុនជាផ្លូវការ នៃការបរិច្ចាគបន្តបន្ទាប់ធ្វើឲ្យលោក ចូលជាសមាជិក Green Noble Club ជាផ្លូវការ ។
តារាចម្រៀងទោលបានសម្តែងថា អ្នកគាំទ្ររបស់ ខ្ញុំប្រមូលក្តីស្រឡាញ់ របស់ពួកគេរួមគ្នា សម្រាប់ការឧបត្ថម្ភនេះ វាកាន់តែមានន័យ សម្រាប់ខ្ញុំព្រោះខ្ញុំមិនមែនបរិច្ចាគ តែម្នាក់ឯងទេ តែមានការចូលរួមពីអ្នកគាំទ្រ ។ សូមរង់ចាំតាមដានព័ត៌មានថ្មីៗអំពី Jay Bបន្តទៀត៕ដោយ៖លី ភីលីព
