កូរ៉េ ៖ បើយោងតាមចេញផ្សាយផ្លូវការ របស់គេហទំព័រកម្សាន្ត កូរ៉េខាងត្បូង Allkpop បានប្រាប់ឲ្យដឹងថា កម្មពិធី ‘2021 KBS Song Festival’ បានធ្វើឡើងនៅថ្ងៃទី ១៧ ខែធ្នូ មានសិល្បករ-សិល្បការិនី និង តារាល្បីៗ ជាច្រើនបានបង្អួតសម្រស់ ព្រមទំាងភាពសិចស៊ី លើកម្រាលព្រំក្រហម នៅពេលពួកគេធ្វើដំណើរ ទៅកាន់ព្រឹត្តិការណ៍នេះ ។
ក្នុងអំឡុងពេល នៃ ព្រឹត្តិការណ៍នេះ ពិធីករនៃកម្មវិធី ‘Song Festival’ ឆ្នាំនេះ ទទួលបានការ ចាប់អារម្មណ៍យ៉ាងខ្លាំង នៅពេលដែលឈ្មោះ របស់ពួកគេត្រូវ បានបង្ហាញ ភ្លាមៗ នៅពេលមានការប្រកាស កាលពីខែមុនថា Seolhyun, Cha Eun Woo និង Rowoon ត្រូវបានជ្រើសរើស ជាពិធីករ អ្នកនិយមលេង អ៊ីនធើណេត ជាច្រើនបានទន្ទឹងរង់ចាំមើលរូបគីមី ដ៏អស្ចារ្យនេះនៅលើឆាក ។
ទីបំផុតព្រឹត្តិការណ៍នេះ បានកើតឡើងកាលពីថ្ងៃសុក្រ ហើយពិធីករទាំង៣ បានមកលើកម្រាលព្រំក្រហម ដោយអួតពីទិដ្ឋភាព ដ៏គួរឲ្យភ្ញាក់ផ្អើល និងរូបរាងដ៏លេចធ្លោរបស់ពួកគេ ។ អ្នកនិយមលេងអ៊ីនធើណេតម្នាក់ បានចែករម្លែកឃ្លីប និងរូបថតជាច្រើនសន្លឹករបស់ពិធីករ ទាំង៣រូប ហើយបានបង្ហាញថា ទិដ្ឋភាព និងកម្ពស់របស់ពួកគេគឺ ‘Daebak’ ឬវីរភាព ៕ដោយ៖លី ភីលីព
