កូរ៉េ៖ បើយោងតាមចេញផ្សាយផ្លូវការរបស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា តារាសម្ដែងស្រីក្នុងរឿង ‘The Red Sleeve’ នាង Lee Se Young បានបង្ហាញវត្តមានក្នុងកម្មវិធី ‘Radio Star’ របស់ MBC ហើយបានបង្ហើបថា នាងមានរូបថតរបស់លោក Junho ជារូបថតផ្ទៃខាងក្រោយទូរស័ព្ទដៃរបស់នាង។
សម្រាប់វគ្គ ‘Radio Star’ នៅថ្ងៃទី២ ខែកុម្ភៈ សមាជិកនៃរឿងភាគដ៏ល្បី ‘The Red Sleeve’ បានថតជាភ្ញៀវកិត្តិយស និងបានចែករម្លែករឿងរ៉ាវនៅពីក្រោយឆាកមួយចំនួនពីរឿង។ នាង Lee Se Young បានដើរតួជា Deok Im ក្នុងរឿង ហើយទទួលបានការស្រលាញ់យ៉ាងខ្លាំងចំពោះតួអង្គដ៏គួរឲ្យស្រលាញ់ និងក្លាហានរបស់នាង។ នាងក៏ទទួលបានការសរសើរជាច្រើនចំពោះជំនាញសម្ដែងរបស់នាងក្នុងរឿងភាគផងដែរ ដោយនាងបានបង្ហាញយ៉ាងច្បាស់ពីការរីកចម្រើនរបស់តួអង្គ Deok Im ។
សម្រាប់រឿងនេះ នាង Lee Se Young បានបង្ហាញពីរឿងស្នេហាដែលពេញចិត្ត និងឈឺចិត្តរវាង Lee San ជាសម្ដែងដោយ Junho។ Lee Se Young បានបង្ហើបពីមូលហេតុនាងអាចបង្ហាញពីស្នេហាដ៏ស្និទ្ធស្នាលជាមួយ Junho ដោយសារតែនាងមានរូបថត Junho ជារូបថតផ្ទៃខាងក្រោយទូរស័ព្ទដៃរបស់នាង៕
