ថៃ៖ យោងតាមការចេញផ្សាយពីគេហទំព័រ Bangkok post បានប្រាប់ឲ្យដឹងថា ម្តាយរបស់តារាសម្តែង ដែលលង់ទឹកស្លាប់ Nida “Tangmo” Patcharaveerapong បាននិយាយកាលពីថ្ងៃសុក្រថា លោកស្រីបានអត់ទោស ឲ្យដៃមិត្តប្រុស២នាក់ ជាមួយកូនស្រីរបស់នាង នៅលើទូកល្បឿនលឿន នៅយប់ដែលនាងបានស្លាប់ ប៉ុន្តែមិនមែនអ្នកដទៃទេ។
ក្នុងបទសម្ភាសន៍ក្នុងកម្មវិធី Hone Krasae នៅលើកញ្ចក់ទូរទស្សន៍ប៉ុស្តិ៍លេខ ៣ លោកស្រី Panida Siriyuthayothin បាននិយាយថា នាងបានលើកលែងទោស Tanupat “Por” Lerttaweewit ម្ចាស់ទូកល្បឿនលឿន និង Phaiboon “Robert” Trikanjananun ជាអ្នកបើកបរទូកនៅយប់ថ្ងៃទី ២៤ ខែកុម្ភៈ។ លោកស្រី Panida បាននិយាយថា Por បានទូរស័ព្ទទៅនាងនៅថ្ងៃបន្ទាប់ ហើយសុំទោស ហើយនិយាយថា លោកចង់ជួបនាង និងសុំទោសដោយផ្ទាល់។
ដំបូងឡើយ នាងនៅតែខឹងនឹងលោក Por ប៉ុន្តែលោកបានទូរស័ព្ទមកនាងរាល់ថ្ងៃ ដោយសុំទោស និងសន្យាថានឹងមើលថែនាង។ លោកស្រី Panida បាននិយាយថា លោកបានសន្យាថា នឹងមើលថែខ្ញុំក៏ដូចជា (Tang) Mo ដែរ។ ខ្ញុំអត់ទោសឲ្យលោក ព្រោះលោកបានព្យាយាមទាក់ទងខ្ញុំ ជាប់លាប់ហើយលោកដឹងថាខ្ញុំឈឺចាប់។ នាងបាននិយាយថា នាងនឹងទទួលយកសំណងពីលោក Por បានសន្យាថានឹងផ្តល់ឲ្យនាង នូវចំនួនសរុបដែលនាងបានគណនា។
ឧបមាថា Mo រកបានមួយលានបាត ពីរឿងភាគទូរទស្សន៍ ប្រសិនបើនាងរស់នៅបាន ៣0 ឆ្នាំទៀត ខ្ញុំអាចគុណនឹង ៣0 ។ នេះនៅតែមិនរាប់បញ្ចូលប្រាក់ចំណូល ដែលបាត់បង់ពីការថតរូបជាតារាម៉ូដែល ហើយកូនស្រីរបស់លោកស្រី មានអាយុ៣៧ឆ្នាំ ពេលនាងស្លាប់ ។ នាងបាននិយាយថា នាងក៏បានអត់ទោសឲ្យ Robert ដែរ ព្រោះលោកបានទៅជាមួយ Por ដើម្បីមើលលោកស្រី៕ ដោយ៖លី ភីលីព
