កាណាដា៖បើយោងតាមចេញផ្សាយផ្លូវការ របស់គេហទំព័រកម្សាន្តចិនបានប្រាប់ឲ្យដឹងថា លោក Ahn Hyo Seop បានជួបប្រទះនឹងរលកនៃភាពល្បីល្បាញចាប់តាំងពី សម្តែងក្នុងរឿងកូរ៉េរឿង A Business Proposal ហើយតាមធម្មជាតិលោកមានការចាប់អារម្មណ៍កាន់តែខ្លាំងទៅលើអតីតកាល របស់លោកផងដែរ។
ថ្មីៗនេះ ប៉ុស្តិ៍ Youtube ដ៏ល្បីឈ្មោះ Sojang បានអះអាងថា លោក Hyo Seop ពិតជាមានទំនាក់ទំនងស្នេហាជាមួយតារាសម្តែង Park Ji Hyun អស់រយៈពេល ៥ ឆ្នាំមកហើយ។ អ្នកទាំង២បានជួបគ្នាពេលថតស្ប៉ត ពាណិជ្ជកម្មកាលឆ្នាំ ២០១៧ ពេល Hyo Seop នៅតែធ្វើការជាតារាបង្ហាញម៉ូដ។
ប្រភពមួយបាននិយាយថា តាមពិតមានភ័ស្តុតាង ជាច្រើននៅលើ Instagram របស់ពួកគេ រួមទាំងរូបថតអាហារពេលល្ងាចរបស់ពួកគេដែលមើលទៅហាក់ដូចជាចេញពីតុមានលំនាំដូចគ្នា។ បុរសម្នាក់ត្រូវបានគេសង្ស័យថា ជាលោក Hyo Seop អាចត្រូវបានគេមើលឃើញនៅក្នុងការឆ្លុះបញ្ចាំងពីវ៉ែនតារបស់ Ji Hyun នៃការថតរូប Selfie របស់នាងមួយ។
នៅក្នុងបទសម្ភាសន៍អតីតកាលមួយរបស់លោក Hyo Seop លោកត្រូវបានគេសួរថា តើមិត្តស្រីរបស់លោកនឹងខឹងនឹងលោកសម្រាប់ការថតឈុតថើបហើយលោកបានឆ្លើយថា “ទេ” ហាក់ដូចជាសារភាពដោយចៃដន្យថា លោកកំពុងមានស្នេហា៕
ដោយ៖លី ភីលីព
