កូរ៉េ៖បើយោងតាមចេញផ្សាយផ្លូវការរបស់ គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា កំពូលតារាចម្រៀងកូរ៉េខាងត្បូងលោក Psy បានបង្ហោះវីដេអូឃ្លីបពិសេសមួយដើម្បីប្រកាសពី ការត្រឡប់មកវិញនាពេលខាងមុខជាមួយនឹងអាល់ប៊ុមថ្មី ‘PSY 9th’របស់លោកអាចទទួលបានការចាប់អារម្មណ៍ជាង ‘Gangnam Style’ ។
នៅថ្ងៃទី ១២ ខែមេសា លោក Psy បានប្រើបណ្តាញផ្សព្វផ្សាយ យក្សអាមេរិក Twitter ផ្លូវការរបស់លោកដើម្បីធ្វើសេចក្តីប្រកាសអំពីការវិលត្រលប់របស់លោកដែលរង់ចាំ ជាយូរមកហើយ។ នៅទីនេះ Psy បានបង្ហោះវីដេអូឃ្លីបជាកន្លែងដែលគេឃើញលោកនិយាយទៅកាន់ទស្សនិកជន នៅការប្រគុំតន្ត្រីធ្វើឡើងនៅថ្ងៃណូអែលកាលពីឆ្នាំ ២0១៣។
នៅទីនេះលោក Psy បានប្រាប់សមាជិកទស្សនិកជនថា ខ្ញុំដឹងថាអ្នកជាច្រើនមានការរំពឹងទុកខ្ពស់ សម្រាប់បទចម្រៀងបន្ទាប់របស់ខ្ញុំ។ និយាយឲ្យត្រង់ទៅ ខ្ញុំបានផលិតបទ “Champion”កាលឆ្នាំ ២00២ ហើយវាបានចំណាយពេលយ៉ាងពិតប្រាកដ ១0 ឆ្នាំដើម្បីផលិតបទចម្រៀង ដែលស៊ីអារម្មណ៍ជាង “Champion” ជាមួយនឹងការចេញ “Gangnam Style” ក្នុងឆ្នាំ ២0១២។
ខ្ញុំទាយអ្វីដែលខ្ញុំកំពុងព្យាយាម។ និយាយទៅប្រហែលជាពេលក្រោយ អ្នកនឹងជួបបទចម្រៀងដូចជា “Gangnam Style” ប្រហែលជានៅឆ្នាំ ២0២២ បន្ទាប់ពី Psy សើចបន្តិច អត្ថបទ “PSY 9, 2022.04.29 FRI 6PM(KST)” បានលេចលើអេក្រង់បង្កើនការទន្ទឹងរង់ចាំសម្រាប់អាល់ប៊ុមថ្មីរបស់ Psy ។ អាល់ប៊ុមត្រលប់មកវិញរបស់ Psy ‘PSY 9th’ នឹងចេញនៅថ្ងៃទី ២៩ ខែមេសា វេលាម៉ោង ៦យប់៕
ដោយ៖លី ភីលីព
