អាមេរិ ៖ តារាសម្ដែងអាមេរិក នាង Constance Wu ត្រូវបានគេស្គាល់ថា ជាតួឯកក្នុង Box-office របស់រឿង Crazy Rich Asians and Hustlers បានបង្ហោះសេចក្តីថ្លែងការណ៍ ដ៏អស់ពីចិត្តនៅលើបណ្តាញសង្គម ដោយបង្ហាញពីការប៉ុនប៉ង ធ្វើអត្តឃាតរបស់នាង បន្ទាប់ពីទទួលបានការរិះគន់ចំពោះ tweets ជាបន្តបន្ទាប់ ដែលនាងបានសរសេរ អំពីកម្មវិធីទូរទស្សន៍ដ៏ពេញនិយម របស់នាង Fresh Off The Boat នៅឆ្នាំ២០១៩ បើយោងតាមចេញផ្សាយ ផ្លូវការរបស់គេហទំព័រ Channel news Asia ។
សេចក្តីថ្លែងការណ៍មួយ បានបង្ហោះនៅលើ Twitter នៅថ្ងៃសុក្រទី១៥ ខែកក្កដា ត្រូវបានកត់ សម្គាល់ការវិលត្រឡប់ របស់នាងទៅកាន់ប្រព័ន្ធផ្សព្វផ្សាយ សង្គមបន្ទាប់ពី៣ឆ្នាំ នាង Wu ក៏បានប្រកាសសៀវភៅជីវប្រវត្តិ របស់នាង ដែលមានចំណងជើង ថា Making A Scene ។
តារាសម្តែង អាយុ ៤០ ឆ្នាំបាននិយាយថា ខ្ញុំខ្លាចការត្រឡប់ មកវិញ នៅលើប្រព័ន្ធផ្សព្វផ្សាយសង្គម ព្រោះខ្ញុំស្ទើរតែបាត់បង់ជីវិតពីវា: កាលពី៣ឆ្នាំ មុននៅពេល ខ្ញុំបានធ្វើការ Twitter ដោយមិនចេះខ្វល់ខ្វាយ អំពីការបន្តកម្មវិធីទូរទស្សន៍ របស់ខ្ញុំ វាបានបញ្ឆេះកំហឹង និងការអាម៉ាស់ តាមអ៊ីនធើណេត ដែលកាន់តែធ្ងន់ធ្ងរ ។
ខ្ញុំមានអារម្មណ៍មិនល្អ ចំពោះអ្វីដែលខ្ញុំបាននិយាយ ហើយនៅពេល DMs ២ឬ៣នាក់ពីតារាសម្តែងអាស៊ីម្នាក់ បានប្រាប់ខ្ញុំថា ខ្ញុំនឹងក្លាយជាមនុស្សអាក្រក់ នៅក្នុងសហគមន៍ អាស៊ីអាមេរិក ខ្ញុំចាប់ផ្តើមមានអារម្មណ៍ថា ដូចជាខ្ញុំមិនសមនឹងរស់នៅទៀតទេ ខ្ញុំជាមនុស្សអាម៉ាស់ ចំពោះ AsAms ហើយពួកគេនឹង ល្អជាងបើគ្មានខ្ញុំ ។
tweets ជាសំណួរត្រូវបានចេញ ផ្សាយកាលឆ្នាំ ២០១៩ បន្ទាប់ពីវាត្រូវបានប្រកាសថារឿងកំប្លែងរបស់ Wu Fresh Off The Boat ត្រូវបានបន្តសម្រាប់រដូវ កាលទី ៦ របស់ខ្លួន។ នាង Wu បានដើរតួជាអភិជនគ្រួសារ Jessica Huang ក្នុងរឿងកំប្លែងអំពីគ្រួសារជន ជាតិតៃវ៉ាន់-អាមេរិកដែលរស់នៅ ក្នុងរដ្ឋផ្លរីដាក្នុងទសវត្សរ៍ឆ្នាំ១៩៩០៕ ដោយ៖លី ភីលីព
