កូរ៉េ ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា តារាចម្រៀង កូរ៉េខាងត្បូង Park Eun Bin ត្រូវបានគេឃើញ នៅអាកាសយានដ្ឋាន អន្តរជាតិ Incheon កាលពីព្រឹកព្រលឹមថ្ងៃទី ២២ ខែតុលាកំពុងធ្វើដំណើរ ទៅក្រៅប្រទេស សម្រាប់ការជួបអ្នកគាំទ្រ អាស៊ីលើកដំបូង របស់នាង ‘2022 PARK EUN-BIN Asia Fan Meeting Tour – EUN-BIN NOTE: BINKAN in Manila’ ។
នាឆង Park Eun Bin បានពាក់អាវយឺតប៉ាក់ក្រាស់ពណ៌ស និងខ្មៅដ៏កក់ក្តៅ ដែលត្រូវនឹងស្បែកជើងកវែងពណ៌ស ។ មុននេះនាង Park Eun Bin បានរៀបចំកម្មវិធីជួបជុំអ្នកគាំទ្រ ទោលលើកដំបូង របស់នាង និងជួបជាមួយអ្នកគាំទ្រ នៅប្រទេសកូរ៉េ ។ នេះក៏នឹងជាជំនួបអន្តរជាតិ លើកដំបូងរបស់អ្នកគាំទ្រ ដែលបានជួបអ្នកគាំទ្រ នៅក្រៅប្រទេស ។
តារាស្រីរូបនេះ ទទួលបាន ក្តីស្រលាញ់ច្រើន ជាមួយនឹងជំនាញសម្តែងដ៏រឹងមាំរបស់នាង ជាបន្តបន្ទាប់ ក្នុងរយៈពេលជាច្រើនឆ្នាំ ចាប់តាំងពីនាងបង្ហាញខ្លួន ជាតារាសម្តែងកុមារ។ លើសពីនេះ នាងបានបង្ហាញខ្លួននៅក្នុងរឿងភាគល្បីៗជាច្រើនដូចជារឿង ‘Stove League’ ‘Do You Like Brahms?’, ‘The King’s Affection’ និង ‘Extraordinary Attorney Woo’ ។
ទន្ទឹមនឹងនោះ នាង Park Eun Bin គ្រោងនឹងទៅលេងប្រទេសអាស៊ីផ្សេងទៀត តាមរយៈដំណើរកម្សាន្ត ជួបអ្នកគាំទ្រនេះ។ ដោយចាប់ផ្តើមពីទីក្រុងម៉ានីលនៅថ្ងៃទី ២៣ ខែតុលា នាងនឹងទៅលេងទីក្រុងបាងកក សិង្ហបុរី និងតូក្យូក្នុងខែវិច្ឆិកា៕
