កូរ៉េ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា (G)I-DLE បានបង្ហាញខ្លួនក្នុងកម្មវិធី ‘Mnet’s Prime Show’ ដែលចាក់ផ្សាយនៅថ្ងៃទី ២៩ ខែមីនា ហើយបានចែករម្លែកគំនិតរបស់ពួកគេយ៉ាងច្បាស់លាស់ អំពីការដកខ្លួនចេញពីក្រុមភ្លាមៗ របស់លោក Soojin ។
ទោះបីជាវាអាចជាប្រធានបទដ៏រសើបក៏ដោយ សមាជិកទាំងអស់ មានភាពស្មោះត្រង់ ចំពោះអារម្មណ៍របស់ពួកគេ ហើយបានចែករម្លែកគំនិតរបស់ពួកគេ ដោយបើកចំហនៅក្នុងវគ្គចុងក្រោយនៃ ‘IN n OUT Interview’ ។ ត្រឡប់ទៅឆ្នាំ២០២១ អតីតសមាជិក (G)I-DLE Soojin ត្រូវបានជាប់ពាក់ព័ន្ធក្នុងជម្លោះហិង្សា នៅសាលា ហើយនៅទីបំផុតបានចាកចេញពីក្រុម។
ដោយនឹកឃើញពីអ្វី ដែលបានកើតឡើង នាង Soyeon បានចែករម្លែកនូវអ្វីដែលនាងមានអារម្មណ៍ និងគិតថា ជាអ្នកដឹកនាំក្រុម។ នាងបានពន្យល់ថា អ្នកដឹងទេ ប្រសិនបើតួឯកម្នាក់ ក្នុងរឿងតុក្កតា ឬភាពយន្តត្រូវបានផ្លាស់ប្តូរភ្លាមៗ ឬលោកបាត់ខ្លួនភ្លាមៗនោះ វាមិនកើតឡើងទេ។
ឧបមាថាប្រសិនបើតួឯកម្នាក់ ត្រូវលាឈប់ ខ្ញុំពិតជាគិតថា រឿងភាគនឹងមិនក្លាយជារឿងល្បីទេ។ នាងបាននិយាយយ៉ាងលម្អិតថា ដូច្នេះខ្ញុំគិតថា វានឹងពិបាកសម្រាប់យើង ក្នុងការធ្វើឲ្យវាធំម្តងទៀត។ Minnie បានបង្ហើបថា នៅពេល Soojin ដកខ្លួនចេញពីក្រុម ដែលនាំឲ្យក្រុមចម្រៀងស្រី ឈប់សម្រាកគ្មានកំណត់ គឺជាពេលវេលាដ៏លំបាកបំផុតមួយ ដែលនាងធ្លាប់ជួបប្រទះ។
នាងបានចែករំលែកថា “តើខ្ញុំអាចត្រលប់ទៅកូរ៉េវិញបានទេ? ខ្ញុំអាចធ្វើបានមែនទេ? ខ្ញុំព្រួយបារម្ភខ្លាំងណាស់” ទោះបីជាជួបការលំបាកក៏ដោយ Minnie បានបន្តកាលវិភាគរបស់នាងតែម្នាក់ឯង នៅប្រទេសថៃ ហើយបានសារភាពថា “ខ្ញុំមានអារម្មណ៍ថាឯកោខ្លាំងណាស់ ហើយវាពិតជាលំបាកណាស់៕ ដោយ៖លី ភីលីព
