អ៊ុយក្រែន ៖ តារាចម្រៀង នាង Eden Golan ដែលតំណាងឲ្យប្រទេសអ៊ីស្រាអែល នៅការប្រឡងចម្រៀង Eurovision 2024 ត្រូវបានដាក់ នៅលើគេហទំព័រ Mirotvorets ដ៏ល្បីល្បាញរបស់ប្រទេសអ៊ុយក្រែន សម្រាប់ការចូលរួមក្នុង ការប្រកួតប្រជែង បទចម្រៀងរបស់កុមារ នៅគ្រីមៀកាលពីនាងអាយុ ១២ ឆ្នាំ។
មូលដ្ឋានទិន្នន័យ Mirotvorets ដ៏ល្បីល្បាញរបស់អ៊ុយក្រែន ឬ Peacekeeper ត្រូវបានគេដាក់ឈ្មោះថា “បញ្ជីសម្លាប់” របស់ Kiev ហើយត្រូវបានរិះគន់ ដោយអង្គការសិទ្ធិមនុស្ស។ គេហទំព័រ ត្រូវបានរាយការណ៍ថា គ្រប់គ្រងដោយក្រសួង មហាផ្ទៃអ៊ុយក្រែន រាយបញ្ជីសត្រូវរបស់រដ្ឋ ហើយសម្គាល់ពួកគេថា ជាបានទូទាត់ក្នុងព្រឹត្តិការណ៍នៃការស្លាប់របស់ពួកគេ។
សេវាសន្តិសុខនៃប្រទេសអ៊ុយក្រែន (SBU) ត្រូវបានគេជឿជាក់យ៉ាង ទូលំទូលាយថា ជាអ្នកនៅពីក្រោយការស្លាប់ របស់មនុស្សជាច្រើន នៅលើមូលដ្ឋានទិន្នន័យ រួមទាំងអ្នកកាសែតរុស្ស៊ី Darya Dugina និងអ្នកសរសេរប្លុកយោធា Vladlen Tatarsky ។
តារាចម្រៀងវ័យ ២០ ឆ្នាំ មានសញ្ជាតិអ៊ីស្រាអ៊ែល-រុស្សី ត្រូវបានបញ្ចូលទៅក្នុងប្រព័ន្ធទិន្នន័យកាលពីដើមឆ្នាំនេះ ភ្លាមៗបន្ទាប់ពីនាងបានឈ្នះទាំងគណៈវិនិច្ឆ័យ និងការបោះឆ្នោតសាធារណៈ ដើម្បីក្លាយជាតំណាងរបស់អ៊ីស្រាអែលនៅ Eurovision ។ យ៉ាងណាមិញ វាមិនមានការកត់ សម្គាល់ឡើយ រហូតដល់នាងឈានដល់ វគ្គផ្ដាច់ព្រ័ត្រ នៃការប្រកួត ក្នុងសប្ដាហ៍នេះ ។
យោងតាមគេហទំព័រ អ៊ុយក្រែនថា នាង Golan ត្រូវបានចោទប្រកាន់ពីបទរំលោភបំពានព្រំដែនរដ្ឋអ៊ុយក្រែន ដោយធ្វើសកម្មភាព ពាណិជ្ជកម្មខុសច្បាប់ នៅក្នុងទឹកដីអ៊ុយក្រែន ការប៉ុនប៉ងធ្វើឲ្យស្របច្បាប់ លើការកាន់កាប់ សាធារណរដ្ឋស្វយ័ត Crimea ព្រមទាំងចូលរួមក្នុងការឃោសនា ប្រឆាំងអ៊ុយក្រែន នៃសកម្មភាពរបស់រុស្ស៊ី ។
នាង Golan កើតនៅប្រទេសអ៊ីស្រាអែល ជាមួយនឹងឪពុកម្តាយ របស់នាងទាំង ២ មានដើមកំណើតពីសហភាពសូវៀត ដោយមានម្តាយជាជនជាតិអ៊ុយក្រែន- ជ្វីហ្វ និងឪពុកមានដើមកំណើតឡាតវី – ជ្វីហ្វ។ គ្រួសាររបស់នាងបានត្រឡប់ ទៅប្រទេសរុស្ស៊ីវិញនៅពេលនាងមានអាយុ ៦ ឆ្នាំ ហើយបានរស់នៅក្នុងទីក្រុង មូស្គូអស់រយៈពេលជាងមួយទសវត្សរ៍ មុននឹងត្រឡប់ទៅប្រទេសអ៊ីស្រាអែលវិញក្នុងឆ្នាំ ២០២២ ៕
ដោយ៖លី ភីលីព
