ទីក្រុងរ៉ូម ៖ ការជ្រើសរើសសម្លៀក បំពាក់របស់តារាសម្តែង ជនជាតិអាមេរិក ដើមកំណើតចិន នាង Liu Yifei រងការរិះគន់ ខណៈតារាស្រីតៃវ៉ាន់ នាង Shu Qi ទទួលបានការសរសើរ ចំពោះការស្លៀកពាក់របស់នាង ខណៈអ្នកទាំង២ នាក់បានចូលរួម នៅព្រឹត្តិការណ៍មួយ ដែលរៀបចំដោយផ្ទះម៉ូដប្រណីត Bulgari ក្នុងទីក្រុងរ៉ូម ។
នាង Liu បានចូលរួមក្នុងព្រឹត្តិការណ៍នេះ បានកើតឡើងកាលពីថ្ងៃចន្ទ ដោយស្លៀកពាក់ឈុត ពណ៌បៃតងពីការប្រមូល Haute Couture Spring/Summer 2024 របស់ Tamara Ralph ។ ក្នុងនាមជាអ្នកនាំពាក្យម៉ាក Bulgari នាងបានតុបតែងខ្លួននាង ជាមួយនឹងគ្រឿងអលង្ការថ្លៃៗជាច្រើន។
ទោះជាយ៉ាងណាក៏ដោយ អ្នកប្រើប្រាស់ Weibo ជាច្រើនបានកត់សម្គាល់ថា ការជ្រើសរើសសម្លៀកបំពាក់ក្រាស់ ស្មាក្រាស់ គួបផ្សំជាមួយនឹងម៉ូតសក់ ទាន់សម័យ ដែលមានអាយុ លើសពីឆ្នាំរបស់នាង ។
ទន្ទឹមនឹងនេះដែរ នាង Shu Qi បានជ្រើសរើសការរចនា ពីការប្រមូល Haute Couture Spring/Summer 2024 របស់ Armani Privé ត្រូវបានទទួលយ៉ាងល្អ ដោយអ្នកអត្ថាធិប្បាយ លើអ៊ីនធើណេត ។ មនុស្សជាច្រើន បានសរសើរនាង ចំពោះរូបរាងដែលមាន ទាំងមនុស្សស្រី និងមិនចាញ់អាយុ ។
មតិយោបល់នៅលើ Weibo បានរំលេចរូបរាងដ៏ភ្លឺថ្លារបស់នាងនៅក្នុងព្រឹត្តិការណ៍នេះ ថា រូបរាងរបស់នាង Shu Qi ក្នុងព្រឹត្តិការណ៍នៅទីក្រុងរ៉ូម គឺពិតជាស្រស់ស្អាតណាស់ ។ សម្លៀកបំពាក់របស់នាង Shu Qi មានពណ៌សម្បូរបែប ដូចជាធម្មជាតិ ពពក ទឹក និងផ្ការីក ក៏ដូចជាអង្កាំដ៏រស់រវើក និង ត្បូងពេជ្រដ៏ប្រណិត រួមផ្សំជាមួយនឹងភាពចែង ចាំងនៃសាច់ក្រណាត់ សម្លៀកបំពាក់របស់នាង Shu Qi ពិតជាស្រស់ស្អាតខ្លាំងណាស់ ។
មួយទៀតបាននិយាយថា រួមជាមួយគ្រឿងអលង្ការនាង Shu Qi ទទួលបានពិន្ទុល្អឥតខ្ចោះ។ តារាសម្តែងអាមេរិក Anne Hathaway (ទី២មកពីឆ្វេង) និង តារាសម្តែងឥណ្ឌា Priyanka Chopra (ទីពីរមកពីស្តាំ) ដែលជាម្ចាស់ពានរង្វាន់ បវរកញ្ញាពិភពលោកឆ្នាំ ២០០០បានចូលរួមក្នុងព្រឹត្តិការណ៍ដូចគ្នា ៕
ដោយ៖លី ភីលីព
