កាលពីថ្ងៃទី ២១ ខែឧសភា ឆ្នាំ ២០២៤ សារព័ត៌មាន Page Six បានធ្វើសេចក្ដីរាយការណ៍ឲ្យដឹងថា តារាចម្រៀង Kelly Rowland បានបង្ហាញវត្តមានក្នុងមហោស្រពភាពយន្ត Cannes Film Festival ដើម្បីចូលរួមការចាក់បញ្ចាំងជាផ្លូវការរឿង “Marcello Mio”។
![](https://lookingtoday.com/wp-content/uploads/2024/05/665003b6efbe7_1716519840_medium-664x1024.jpg)
នៅក្នុងកម្មវិធី Kelly បានគ្រងនូវឈុតរ៉ូបពណ៌ក្រហមឆ្អិនឆ្អៅ ជាមួយនឹងគ្រឿងអលង្ការដ៏មានតម្លៃថ្លៃ លម្អខ្លួន និងលើកសម្រស់នាងកាន់តែស្រស់ស្អាត។ ទោះជាយ៉ាងណា គ្រប់យ៉ាងបានប្រព្រឹត្តិទៅយ៉ារលូនទៅហើយ ស្រាប់តែមានបញ្ហាល្អក់កករក្នុងមួយពព្រិចភ្នែកទៅវិញ ដោយនាងបានឈ្លោះគ្នាជាមួយនឹងក្រុមការងារអ្នកសម្របសម្រួលកម្មវិធី។
![](https://lookingtoday.com/wp-content/uploads/2024/05/665003eeb4bd4_1716519900_medium.png)
ស្របពេលកំពុងញញឹមលើកដៃដាក់កាមេរ៉ា និងអ្នកទស្សនាជាច្រើននាក់ នាងប្រែមុខជាមិនសប្បាយចិត្ត អំឡុងពេលដើរឡើងកាំជណ្ដើរ។ មិនមានការបញ្ជាក់ច្បាស់ការណាមួយ ត្រូវបានលើកឡើងឡើងថាពេលនោះ ក្រុមការងារស្រីម្នាក់ដែលឈរសម្រួលនោះនិយាយអ្វីទៅកាន់ Kelly Rowland រហូតនាងខឹងសម្បារខ្លាំងបែបនេះ។
![](https://lookingtoday.com/wp-content/uploads/2024/05/665003f0eeaeb_1716519900_medium.png)
អ្វីដែលគេមើលឃើញគឺ តារាចម្រៀងខាងលើ បានលើកដៃចង្អុលមុខនារីម្នាក់នោះ ចំកណ្ដាលមុខ នៅចំពោះក្រសែភ្នែកមនុស្សជាច្រើននាក់។ នារីអ្នកសម្របសម្រួលចង់ពន្យល់ហេតុផល ពីស្ថានភាពពេលនោះដែរ ប៉ុន្តែបានមកវិញតែការប្រើសម្ដីមិនល្អក្នុងទឹកមុខមិនសប្បាយរបស់ Kelly។
![](https://lookingtoday.com/wp-content/uploads/2024/05/665003f43d7b0_1716519900_medium.png)
ឃើញដូចស្ថានភាពពុំស្រួល ក្រុមការងារផ្សេងទៀត ក៏បានចូលមកសម្រួលកុំឲ្យ មានបញ្ហាកាន់តែធមជាងនេះ។ ទោះជាយ៉ាងណាពេលនោះ នារីដែលត្រូវបាន Kelly ស្ដីឲ្យនោះពុំបានតបតអ្វីទេ ដោយនាងប្រញាប់មកធ្វើការនាងបន្តទៀត។
![](https://lookingtoday.com/wp-content/uploads/2024/05/665003f67acc9_1716519900_medium.png)
ដើម្បីឲ្យកាន់តែច្បាស់ អ្នកសារព័តភមានក៏បានព្យាយាមទាក់ទងសុំការបំភ្លឺ Kelly ដែរ ប៉ុន្តែនាងពុំទទួលនោះទេ។ យ៉ាងណាក្ដី បើងាកទៅកាលពី ៣ ខែមុន តារាចម្រៀងរូបនេះក៏ធ្លាប់ថ្នាំងថ្នាក់ចិត្តនឹងកម្មវិធី Today Show ដែរ ដោយសារបន្ទប់ផ្លាស់សម្លៀកបំពាក់មិនស្តង់ដារ៕
![](https://lookingtoday.com/wp-content/uploads/2024/05/665003f287a56_1716519900_medium.png)
![](https://lookingtoday.com/wp-content/uploads/2020/08/1-2.png)