រឿងគ្រប់យ៉ាង គ្មានអ្នកណាស្មានដល់ឡើយ ទើបសាងអនុស្សាវរីយ៍ល្អ នឹងគ្នាកាលពីខែឧសភា នៅប្រទេសស្វីស ត្រឡប់មកវិញ តារាសម្ដែង Nine Naphat និង Baifern Pimchanok ក៏ត្រូវឈានដល់ការសម្រេចបែកគ្នា ។
![](https://lookingtoday.com/wp-content/uploads/2024/07/66875bc56a867_1720146840_large-1024x682.jpeg)
ជាក់ស្ដែងនៅថ្ងៃទី ០៤ ខែកក្កដា ឆ្នាំ ២០២៤ Nine បានបើកសន្នីសិទកាសែតមួយ ដើម្បីប្រកាសជាសាធារណៈថា លោក និង Baifern បានថយក្រោយមួយជំហានម្នាក់ ក្លាយមកត្រឹមមិត្តភ័ក្តវិញហើយ។
![](https://lookingtoday.com/wp-content/uploads/2024/07/66875b942793d_1720146780_large.jpg)
លោកបានបន្ថែមថា៖ «ពួកយើងមិនបានខឹងគ្នាទេ យើងមានចេតនាល្អចំពោះគ្នា…ហើយក៏មិនមែនមកពីមានជនទី៣ឯណាដែរ។ ខ្ញុំពុំស្ដាយនូវអ្វីដែលបានកើតឡើងទេ ក្នុងបេះដូងខ្ញុំគាត់នៅតែជានារីដ៏អស្ចារ្យជានិច្ច!…មួយវិញទៀតគ្រប់គ្នាបន្ទោសមកពីម៉ាក់ខ្ញុំ ប៉ុន្តែខ្ញុំសូមនិយាយថា គ្រប់យ៉ាងមិនមែនជាកំហុសអ្នកណាទេ អ្នកដែលខុសគឺខ្ញុំ ដោយសារខ្ញុំមិនបានគ្រប់គ្រងទំនាក់ទំនងនេះឲ្យបានល្អ»។
![](https://lookingtoday.com/wp-content/uploads/2024/07/66875c731c1ea_1720147020_large.jpg)
ទោះជាយ៉ាងណា Nine នៅតែរក្សាជំហរគោរព Baifern ជានិច្ច «Baifern ពិតជាគួរឲ្យស្រឡាញ់! គាត់តែងតែគិតអារម្មណ៍គេជាងខ្លួនឯងទៅទៀត។ គាត់ជាមនុស្សអស្ចារ្យម្នាក់ ដែលតែងតែមានបេះដូងស្មោះត្រង់ជាមួយមនុស្សគ្រប់គ្នា»។
![](https://lookingtoday.com/wp-content/uploads/2024/07/66875c3fbb421_1720146960_large-2-1024x742.png)
ដំណឺងនៃការចែកផ្លូវគ្នានេះ បានធ្វើឲ្យអ្នកគាំទ្រសោកសៅពេកទៅហើយ ប៉ុន្តែកាន់តែមានអាណិត Nine ខ្លាំងឡើង ពេលឃើញតារាប្រុសរូបនេះ យំកណ្ដាលហ្វូងអ្នកសារព័ត៌មាន បន្ទាប់ពីចុះពីវេទិកាសន្និសីទកាសែត។
![](https://lookingtoday.com/wp-content/uploads/2024/07/66875c419051d_1720146960_large-1-1024x682.png)
ទាក់ទងនឹងការបែកគ្នាពេលនេះ មនុស្សជាច្រើនបានរិះគន់ម្ដាយរបស់ Nine ចំពោះការមិន «រៀនទទួលស្គាល់ថាកូនប្រុសរបស់ខ្លួនធំហើយ» ហើយកូនក៏មានជីវិតរបស់កូន និងចង់ស្វែងរកក្ដីសុខជីវិតគូដែរ។ ប៉ុន្តែទោះជាយ៉ាងណា ពួកគេក៏គោរពការសម្រេចចិត្តរបស់តារាសម្ដែងរូបនេះដែរ៕
![](https://lookingtoday.com/wp-content/uploads/2024/07/66875c43e3878_1720146960_large-1024x1024.jpg)
![](https://lookingtoday.com/wp-content/uploads/2020/08/1-2.png)