កូរ៉េខាងត្បូង ៖ បើយោងតាមចេញផ្សាយផ្លូវការរបស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា តារាចម្រៀង នាង Lisa ជាក្រុមសមាជិក ក្រុមតារាចម្រៀងស្រីកូរ៉េ K-pop Blackpink បានធ្វើឲ្យអ្នកគាំទ្រ ចាប់អារម្មណ៍ជាមួយនឹងម៉ូដសម្លៀកបំពាក់របស់នាង ចាប់ពីអាវធំរហូតដល់ខោខូវប៊យបែប Y2K ក្នុងអំឡុងពេលធ្វើដំណើរ របស់នាង ។
តារាចម្រៀងរូបនេះ បានបង្ហោះរូបថតពីវិស្សមកាល អឺរ៉ុបរបស់នាងនៅលើគណនី Instagram របស់នាងកាលពីថ្ងៃសៅរ៍ ដោយបង្ហាញពីអារម្មណ៍ ម៉ូដរបស់នាង ។ រូបភាពមួយរបស់នាងត្រូវបានគេឃើញសម្លៀកបំពាក់ម៉ាក Louis Vuitton ត្នោតខ្ចី បំជាមួយស្បែកជើងប៉ាតាសំប៉ែត និងកាបូបស្ពាយពី ទសវត្សរ៍ឆ្នាំ ១៩៩០។
អាវយឺតដ៏ពេញនិយមក្នុងរដូវក្តៅនេះ គឺស្ថិតក្នុងចំណោមសម្លៀកបំពាក់ ដែលនាងចូលចិត្តសម្រាប់ការធ្វើដំណើររដូវក្តៅ។ រូបថតពីដំណើរដើរទិញឥវ៉ាន់ របស់នាងកាលពីថ្ងៃទី១ ខែសីហា បង្ហាញពីការជ្រើសរើសអាវយឺតតូច មួយគូជាមួយខោខូវប៊យ និងកាបូប Louis Vuitton។
សម្លៀកបំពាក់វិស្សមកាលធម្មតារបស់តារាចម្រៀងរូបនេះ រួមមានអាវធំដែលផ្សំជាមួយសំពត់ខ្លី ឬខោខូវប៊យដែលនឹកឃើញ ដល់រចនាប័ទ្មនៃទសវត្សរ៍ឆ្នាំ ១៩៩០ និងដើមទសវត្សរ៍ឆ្នាំ ២០០០។ ក្នុងអំឡុងពេលធ្វើដំណើរ ទៅប្រទេសថៃកាលពីដើមឆ្នាំនេះ នាង Lisa បានឱបក្រសោបរូបរាង ដ៏ឡូយឆាយដោយ មានខោទ្រនាប់ និងកាបូបម៉ាក Mini Diesel។
នាងក៏ត្រូវបានគេឃើញជាញឹកញាប់ ក្នុងឈុតប៊ីគីនី និងសំពត់ខ្ចីនៅឆ្នេរសមុទ្រ ដែលជាឈុតដ៏ល្អ សម្រាប់ការដើរលេងធម្មតា។ តារា Blackpink បានទទួលយកនិន្នាការស្បែក ជើងផ្លាស្ទិចឆ្នាំ ១៩៩០ ដោយពាក់វាជាមួយនឹងខោក្រណាត់ទេសឯក និងអាវទ្រនាប់ពណ៌លឿង ប៊ឺតជាពណ៌ដ៏ពេញនិយមនៅឆ្នាំនេះ៕
