ចិន ៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា តារាសម្តែងស្រីចិនដ៏ល្បីល្បាញ នាង Liu Yifei បានអនុវត្តវិធីសាស្ត្រីការតមអាហារជាបន្តបន្ទាប់ ដើម្បីសម្រកខ្លាញ់លើស ខណៈតារាសម្តែងស្រីចិននាង Yang Mi និងតារាសម្តែងស្រីចិន Angelababy ឈររយៈពេល ៣០ នាទីបន្ទាប់ពីអាហារ ដើម្បីរក្សារាងស្លីមរបស់ពួកគេ ។
១.តារាសម្តែងស្រីចិន Liu Yifei អាយុ ៣៧ ឆ្នាំតែងតែដើរ តាមទម្លាប់តមអាហារមិនទៀងទាត់ ដើម្បីកាត់បន្ថយជាតិខ្លាញ់ ក្នុងខ្លួន និងធ្វើរូបរាងកាយរបស់នាង ។ របបអាហាររបស់នាងសម្បូរទៅដោយបន្លែបៃតង និងផ្លែឈើស្រស់ៗដូចជាផ្លែប៉ោម ផ្លែត្របែក និងក្រូចថ្លុងជាមួយនឹង កាបូអ៊ីដ្រាតតិចតួចបំផុត។
នាងជ្រើសរើសអាហារចំហុយ ស្ងោរ ឬឆៅ កំណត់គ្រឿងទេស និងជៀសវាងអាហារកែច្នៃ។ លើសពីនេះ នាង Liu ចូលរួមក្នុងយូហ្គាពីលើអាកាស និងលំហាត់ប្រាណផ្តោតលើពោះ ដៃ និងជើងរបស់នាង។ ការតមអាហារ និងលំហាត់ប្រាណជាប់លាប់បានជួយឲ្យនាងស្រកបានប្រហែល ៦ គីឡូក្រាម។
២. តារាសម្តែងស្រីចិន Yang Mi មានកម្ពស់ ១.៦៨ ម៉ែត្រ ទម្ងន់ ៤៨ គីឡូក្រាម អស់រយៈពេលជាច្រើនឆ្នាំមកនេះ តារាស្រីវ័យ ៣៨ ឆ្នាំរូបនេះ រក្សាបាននូវចង្កេះតូច និងខ្លាញ់ទាប ។ នាងទទួលទានអាហារដែលមានតុល្យភាព ដោយឈររយៈពេល ៣០ នាទី បន្ទាប់ពីញ៉ាំអាហារ ដើរឲ្យបានច្រើនតាមដែលអាចធ្វើបាន និងហាត់យូហ្គា និងលាតសន្ធឹងជារៀងរាល់ថ្ងៃ។
៣.តារាសម្តែងស្រីចិន Zhao Liying អាយុ ៣៧ ឆ្នាំ រក្សាចង្កេះស្ដើង និងរូបរាងភ្លឺថ្លា ដោយមិនប្រកាន់របបអាហារឡើយ។ ផ្ទុយទៅវិញ នាងផ្តោតលើរបៀបរស់នៅដែលមានសុខភាពល្អ ញ៉ាំអាហារសម្បូរប្រូតេអ៊ីន ដូចជាសាច់មាន់គ្មានខ្លាញ់ ត្រី និងបន្លែស្លឹកខ្មៅ។ នាងទទួលទានអាហារឲ្យបានគ្រប់គ្រាន់ ផឹកតែជារៀងរាល់ថ្ងៃ ហើយរក្សាភាពរីករាយ និងសុទិដ្ឋិនិយម ដោយជឿថា ផ្នត់គំនិតវិជ្ជមានរបស់នាងរួមចំណែកដល់ការរក្សារាងរបស់នាង។
៤.តារាសម្តែងស្រីចិន Liu Shishi រក្សារាងស្អាត ដោយការបែងចែកអាហាររបស់នាងជាផ្នែកតូចៗ ជៀសវាងការញ៉ាំច្រើន និងទប់ស្កាត់ការឃ្លាន។ នាងជៀស វាងអាហារសម្រន់ ហើយឈប់ញ៉ាំ បន្ទាប់ពីម៉ោង ៨ យប់ ដើម្បីឲ្យរាងកាយ របស់នាងមានពេលវេលាគ្រប់គ្រាន់ក្នុងការរំលាយអាហារ និងការពារខ្លាញ់ក្បាលពោះ។ តារាអាយុ ៣៧ ឆ្នាំនាងក៏ផ្តល់អាទិភាពក្នុងការចូលគេងមុនម៉ោង ១១ យប់ដើម្បីការពារស្បែករបស់នាង និងរក្សារូបរាងរបស់នាង។
៥. តារាសម្តែងស្រីចិន Angelababy អាយុ ៣៥ ឆ្នាំ បានមានរាងស្លីមរបស់នាង កើតចេញពីការញ៉ាំអាហារមានតុល្យភាព និងលំហាត់ប្រាណទៀងទាត់ជាច្រើនឆ្នាំ ។ មួយថ្ងៃរបស់នាងទទួលទានទឹកក្តៅមួយកែវ អមដោយអាហារពេលព្រឹក ដែលមានជីវជាតិ អាហារថ្ងៃត្រង់កាន់តែធ្ងន់ និងអាហារពេលល្ងាចស្រាលៗ បានបញ្ចប់ទៅមុន ដើម្បីទុកពេលវេលា សម្រាប់ការរំលាយអាហារ៕
