កូរ៉េខាងត្បូង៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ក្រុមតារាចម្រៀងកូរ៉េខាងត្បូង K-pop លោក Suga សមាជិកក្រុមចម្រៀងប្រុស BTS ដែលត្រូវពិន័យជាទឹកប្រាក់ ១៥ លានវ៉ុន (១១.៥០០ ដុល្លារ) ដោយតុលាការចោទប្រកាន់ពីបទបើកបរក្នុងស្ថានភាពស្រវឹងនៅពេលកំពុងជិះស្គីអគ្គិសនី។
មន្ត្រីតុលាការបាននិយាយនៅថ្ងៃចន្ទនេះថា ចៅក្រមនៅតុលាការក្រុងសេអ៊ូលខាងលិច បានចេញការផាកពិន័យនៅក្នុងសាលក្រមសង្ខេបដែលបានធ្វើឡើងកាលពីសប្តាហ៍មុន បន្ទាប់ពីសំណុំរឿងរបស់លោកត្រូវបានបញ្ជូនទៅអយ្យការ។ កាលពីខែសីហា អ្នកនិពន្ធបទចម្រៀង និងជាតារារ៉េបរូបនេះបានចេញមុខសុំទោសចំពោះឧបទ្ទវហេតុនេះ ដោយហៅវាថា ជាអាកប្បកិរិយាធ្វេសប្រហែស និងខុស ដោយប៉ូលិសក៏បានដកហូតអាជ្ញាប័ណ្ណជិះម៉ូតូអេឡិចត្រូនិកពេលស្រវឹង។
យោងតាមស្លាកសញ្ញា Big Hit Music របស់លោក ជាផ្នែកមួយនៃក្រុមហ៊ុន K-pop HYBE នេះក៏បាននិយាយថា លោកមិនបានធ្វើតេស្តដង្ហើមដើម្បីវាស់កម្រិតជាតិអាល់កុលក្នុងឈាមរបស់លោក ដែលធ្វើឡើងដោយប៉ូលីស។ ចាប់តាំងពីការប្រកាសឈប់ពីគម្រោងក្រុមក្នុងខែមិថុនា ឆ្នាំ ២០២២ សមាជិក BTS បានបន្តសកម្មភាពទោល មុនពេលចាប់ផ្តើមបំពេញកាតព្វកិច្ចយោធា។
តារាចម្រៀង Suga អាយុ ៣១ ឆ្នាំបានចូលរួមក្នុងការងារសង្គមដើម្បី បំពេញកាតព្វកិច្ចយោធារបស់លោក។ ឧបទ្ទវហេតុបើកបរក្នុងស្ថានភាពស្រវឹង គឺជាឧទាហរណ៍ចុងក្រោយបង្អស់របស់តារា K-pop ដែលពេលខ្លះបាត់បង់រូបភាពមិនស្អាត។
ករណីនេះបានជំរុញឲ្យអ្នកគាំទ្រ BTS មួយចំនួនតូចចិត្តចំពោះសកម្មភាពរបស់ លោកបានផ្ញើកម្រងផ្កានៅជិតទីស្នាក់ការកណ្តាល HYBE ដោយមានសារនៅលើក្តារសុំឲ្យលោកចាកចេញ ពីក្រុម។អ្នកដែលបានជូនដំណឹងអំពីការកាត់ក្តីសង្ខេបអាចដាក់ពាក្យសុំការកាត់ក្តីជាទៀងទាត់ ក្នុងរយៈពេលប្រាំពីរថ្ងៃដើម្បីជំទាស់នឹងការសម្រេចនេះ៕
