កូរ៉េខាងត្បូង ៖ យោងតាមការចេញ ផ្សាយពីគេហទំព័រ VN Express បានប្រាប់ឲ្យដឹងថា នាង Go Hyun Jung ដែលជាតារាសម្តែង និងជាបវរកញ្ញាប្រចាំ ប្រទេសកូរ៉េ ១៩៨៩ សម្ដែងការសោកស្ដាយជាសាធារណៈចំពោះការបែកគ្នាដ៏យូររបស់នាងជាមួយកូន ២ នាក់ បន្ទាប់ពីការលែងលះនឹងអ្នកស្នងមរតក Samsung លោក Chung Yong Jin ។
នេះបើតាម Nate បានឲ្យដឹងថា គូស្នេហ៍មួយគូនេះ បានរៀបការក្នុងឆ្នាំ១៩៩៥ ហើយក៏បានចែកផ្លូវគ្នាក្នុងឆ្នាំ២០០៣ ដែលជាលទ្ធផលនាងត្រូវ បាត់បង់សិទ្ធិមើលថែកូន របស់ពួកគេ។ នៅថ្ងៃទី១៧ ខែកញ្ញា នាង Go បានចែករម្លែករូបថតដ៏ស្មោះស្ម័គ្រនៅលើ Instagram របស់នាង ដោយពណ៌នាពីការជួបជុំជាមួយកូនៗរបស់នាង ដែលបង្ហាញពីចម្ងាយផ្លូវអារម្មណ៍ បានកើនឡើងរវាងពួកគេជាច្រើនឆ្នាំ។
បទសម្ភាសន៍ឆ្នាំ ២០១៦ ជាមួយ Chosun Biz នាងបានចែករម្លែកទុក្ខសោករបស់នាងចំពោះការបែកគ្នាដំបូងរបស់ពួកគេថា ពួកយើងបានចែកផ្លូវគ្នា នៅពេលពួកគេមានអាយុ ៦ និង ៤ ឆ្នាំ ជាការចងចាំដែលនៅតែរស់រវើកសម្រាប់ខ្ញុំ។ ពេលនេះពួកគេកាន់តែចាស់ មិនមែនខ្ញុំទេ មិនអាចជួបពួកគេទេ ផ្ទុយទៅវិញ ខ្ញុំបារម្ភថា ពួកគេអាចនឹងមានអារម្មណ៍មិនស្រួលនៅជុំវិញខ្ញុំ។
យោងតាមសារព័ត៌មាន Seoul Shinmun ថា នាង Go បានបើកដំណើរការ YouTube របស់នាងកាលខែឧសភា ហើយបានចែករម្លែកព័ត៌មានថ្មីៗ អំពីកូនៗរបស់នាង។ នាងបាននិយាយថា ខ្ញុំបានទទួលការហៅទូរស័ព្ទ ហើយពិតជាធ្វើឲ្យខ្ញុំមានការភ្ញាក់ផ្អើល។ ពួកគេបាននិយាយថា ពួកគេចូលចិត្តមើលវីដេអូ ‘Fairy Jae Hyung’ ហើយបានសួរថា តើខ្ញុំអាចបង្ហាញខ្លួន សម្រាប់ពួកគេញឹកញាប់ជាងនេះទេ ដែលបង្ហាញពីទំនាក់ទំនង របស់នាងជាមួយកូនៗរបស់នាង ។
នាងធ្លាប់បានលាតត្រដាងនៅលើបណ្តាញ YouTube របស់នាងថា នាងតែងតែមានអារម្មណ៍ឯកោអំឡុងពេលរៀបការជាមួយលោក Chung ជាចៅប្រុសរបស់ស្ថាបនិកក្រុមហ៊ុន Samsung លោក Lee Byung Chul ។ នាង Go អាយុ ៥៣ ឆ្នាំ និងលោក Chung អាយុ ៥៦ ឆ្នាំ បានជួបគ្នាដំបូងដោយចៃដន្យនៅទីក្រុងញូវយ៉ក ជាកន្លែងដែលលោក Chung បានជួយក្នុងការស្វែងរកកៅអីរបស់នាងនៅ Winter Garden Theatre ដោយសារតែនាងមិនចេះភាសាអង់គ្លេស ៕
