កូរ៉េខាងត្បូង ៖ ភ្នាក់ងាររបស់លោកស្រី បាននិយាយកាលពីថ្ងៃអាទិត្យថា តារាសម្តែងជនជាតិកូរ៉េខាងត្បូងដែលមានកេរ្តិ៍ឈ្មោះល្បីល្បាញ លោកស្រី Lee Joo-shil ថ្មីៗនេះ បានបង្ហាញខ្លួនក្នុងរឿង “Squid Game” របស់ Netflix បានទទួលមរណភាពក្នុងអាយុ ៨១ ឆ្នាំ ដោយសារជំងឺមហារីកក្រពះ នេះយោងតាមការចេញ ផ្សាយពីគេហទំព័រ Korea Times ។
លោកស្រី Lee ត្រូវបានគេធ្វើរោគវិនិច្ឆ័យថា មានជំងឺកាលពី៣ ខែមុន ហើយបានចូលសម្រាកព្យាបាល នៅមន្ទីរពេទ្យនៅ Uijeongbu ភាគខាងជើង នៃទីក្រុងសេអ៊ូល នៅមុនថ្ងៃបន្ទាប់ពីទទួលរងការគាំងបេះដូង ។ លោកស្រីត្រូវបានគេប្រកាសថា បានស្លាប់នៅមន្ទីរពេទ្យ។
លោកស្រីបានបង្ហាញខ្លួន នៅឆ្នាំ ១៩៦៥ ជាតួសម្តែងភាពយន្ត លោកស្រីបានក្លាយជាតួឯកក្នុងភាពយន្តរបស់ប្រទេសកូរ៉េ ដោយបានសម្តែង ក្នុងផលិតកម្មល្បីៗជាច្រើន ។ លោកស្រីបានប្រយុទ្ធប្រឆាំងនឹងជំងឺមហារីកសុដន់ដោយជោគជ័យ បន្ទាប់ពីត្រូវបានគេធ្វើរោគវិនិច្ឆ័យនាឆ្នាំ ១៩៩៣ ដោយបានជាសះស្បើយពេញ លេញបន្ទាប់ពីមួយទសវត្សរ៍។
ថ្វីត្បិតតែលោកស្រីជួបបញ្ហាសុខភាពក៏ដោយ ក៏លោកស្រីនៅតែសកម្មក្នុងអាជីព របស់លោកស្រី ដោយពង្រីកខ្លួនទៅជាទូរទស្សន៍ និងភាពយន្ត។ លោកស្រីក៏បានទទួលសញ្ញាប័ត្របណ្ឌិត ផ្នែកសុខភាពសាធារណៈពីសកលវិទ្យាល័យ Wonkwang។
ថ្មីៗនេះ លោកស្រីបានដើរ តួជាម្តាយរបស់អតីតមន្ត្រីប៉ូលីស Hwang Jun-ho ដែលសម្តែងដោយ Wi Ha-jun ក្នុង “Squid Game” វគ្គ ២ ។ ពិធីបុណ្យសពរបស់នាងនឹង ធ្វើឡើងនៅថ្ងៃទី ៥ ខែកុម្ភៈ នៅមន្ទីរពេទ្យ Severance ទីក្រុង Sinchon ទីក្រុងសេអ៊ូល៕
