ភោជនីយដ្ឋានទឹកធ្លាក់ The Labassin គឺភោជនីយដ្ឋានគួរឲ្យទាក់ទាញបំផុតសម្រាប់អ្នកដែលបានទៅទស្សនានៅទីនោះ។ ពិសេសជាងនេះទៅទៀត វាធ្វើឲ្យភ្ញៀវទាំងអស់មានអារម្មណ៍ភ្ញាក់ផ្អើលនូវអ្វីដែលពួកគេមិនធ្លាប់ឃើញពីមុនមក។
The Labassin មានទីតាំងនៅក្នុងរម្មណីយដ្ឋាន Villa Escudero ក្នុងស្រុក San Pablo,ខេត្ត Quezon ប្រទេស ពីលីពីន។
អ្នកដែលបានទៅទីនោះអាចរីករាយជាមួយនឹងសម្បត្តិធម្មជាតិដ៏ស្រស់ត្រកាល អមជាមួយនឹងរម្មណីយដ្ឋានដ៏គួរឲ្យទាក់ទាញ។
ម្យ៉ាងវិញទៀត អ្នកអាចរីករាយជាមួយនឹងការភ្លក់ម្ហូបរបស់ជនជាតិពីលីពីន ក្នុងខណៈពេលដែលអ្នកកំពុងតែអង្គុយត្រាំទឹកនៅក្នុងអាង នៃទឹកធ្លាក់សិប្បនិម្មិតដ៏ធំមួយ។ ចំណែកឯ សំលេងនៃទឹកធ្លាក់ លាយឡំជាមួយនឹងការភ្លក់មុខម្ហូបពីលីពីន គឺជាបទពិសោធន៏ដ៏អស្ចារ្យពិតៗ។
ដោយ៖ ហង្ស សុបញ្ញា
