បរទេស៖យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា កីឡាករបាល់ទាត់ឆ្នើមលំដាប់ពិភពលោក Cristiano Ronaldo បានបង្ហាញទំនាក់ទំនងសេ្នហា របស់លោកជាមួយនាង Georgina Rodriguez ដោយបង្ហាញចិញ្ចៀនភ្ជាប់ពាក្យពេជ្រ ដែលមានតម្លៃរាប់លានដុល្លារ ដល់នាង។
ចិញ្ចៀនដែលត្រូវបានបង្ហាញដោយនាង Georgina នៅលើបណ្តាញ សង្គម Instagram កាលពីថ្ងៃអង្គារបានរីករាលដាល យ៉ាងឆាប់រហ័សសម្រាប់ទំហំដ៏ គួរឲ្យទាក់ទាញបំផុត និងមានប្រវែងប្រហែលជុំវិញ ៥ សង់ទីម៉ែត្រ ។
នេះបើយោងតាមសារព័ត៌មាន India Times ចេញផ្សាយថា ត្បូងពេជ្រកាត់រាងពងក្រពើកណ្តាលមានទម្ងន់ពី ២៥ ទៅ ៣០ ការ៉ាត់ (ប្រហែល ៥-៦ ក្រាម) ហើយត្រូវបានអមដោយត្បូងពេជ្រៗចំនួន ២ ប្រហែល ១ ការ៉ាត់នីមួយៗ ។ ពេជ្រសំខាន់ត្រូវបានវាយតម្លៃថា ល្អឥតខ្ចោះដែលបំពេញ តាមស្តង់ដារឧស្សាហកម្មខ្ពស់បំផុត សម្រាប់ការកាត់ ភាពច្បាស់លាស់ និងភាពភ្លឺស្វាង ។
នេះបើតាមលោក Patiala បានឲ្យដឹងថា អ្នកជំនាញគ្រឿងអលង្ការប៉ាន់ប្រមាណតម្លៃ របស់វាចន្លោះពី ២ លានដុល្លារទៅ ៥ លានដុល្លារ។ Laura Taylor នៃក្រុមហ៊ុនពេជ្រ Lorel បានដាក់វានៅផ្នែកខាងក្រោម ខណៈ Ajay Anand នៃ Rare Carat បានផ្តល់យោបល់ថា វាអាចមានតម្លៃរហូតដល់ ៥ លានដុល្លារ ។ សម្រាប់ការប្រៀបធៀប ចិញ្ចៀនដែលថ្លៃបំផុត លើពិភពលោកគឺ Pink Star មានតម្លៃជាង ៧១ លានដុល្លារ៕
