កូរ៉េខាងត្បូង ៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា តារាចម្រៀងស្រី Sandara Park ដែលជាសមាជិកក្រុមតារាចម្រៀង ស្រីកូរ៉េខាងត្បូងដ៏ល្បីល្បាញ 2NE1 បានឆ្លើយតបទៅនឹងការចោទ ប្រកាន់ពីបទប្រើប្រាស់គ្រឿងញៀន ដែលលើកឡើង ដោយសមាជិកក្រុម នាង Park Bom ។
ពីមុន នៅថ្ងៃទី ៣ នាង Park Bom បានអះអាងថា នាង Sandara Park បានធ្វើឲ្យនាងមើលទៅដូចជាញៀនថ្នាំ ដើម្បីបិទបាំងការរំលោភបំពានគ្រឿងញៀនរបស់នាង។ នាង Park Bom ត្រូវបានចោទប្រកាន់ដោយព្យួរក្នុងខែតុលា ឆ្នាំ២០១០ ពីបទនាំយកថ្នាំញៀនប្រភេទ “Adderall” ដោយមិនបានប្រកាស។
ពេលឮការចោទប្រកាន់ ភាគីរបស់ នាង Sandara Park បានចេញសេចក្តីថ្លែងការណ៍ខ្លីមួយដោយនិយាយថា “ការអះអាងនេះគ្មានមូលដ្ឋានទេ ហើយ នាង Sandara Park មានការព្រួយបារម្ភអំពីសុខភាពបច្ចុប្បន្នរបស់ នាង Park Bom ។
នាង Park Bom ត្រូវបានចោទប្រកាន់ដោយព្យួរក្នុងខែតុលា ឆ្នាំ ២០១០ ពីបទនាំយកថ្នាំ Adderall ជាសារធាតុគ្រប់គ្រង ចូលទៅក្នុងប្រទេសពីអាមេរិកដោយគ្មានការប្រកាសពន្ធគយ។ ទោះបីជា Adderall មានផ្ទុកសារធាតុ Amphetamines ដែលចាត់ថ្នាក់ជាថ្នាំញៀនប្រភេទ psychotropic ក៏ដោយ នាង Park Bom បានដាក់ឯកសារវេជ្ជសាស្ត្រ និងវេជ្ជបញ្ជាជាច្រើនឆ្នាំដើម្បីទទួលស្គាល់ថាវាត្រូវបាននាំចូល សម្រាប់គោលបំណងព្យាបាល។
Park Bom ក៏បានបង្កឲ្យមានការព្រួយបារម្ភ របស់អ្នកគាំទ្រនៅឆ្នាំ២០២៥ ដោយការបង្ហោះសេចក្តីថ្លែងការណ៍ ដែលបង្កភាពច្របូកច្របល់ ដោយចោទប្រកាន់ពីបញ្ហាដោះស្រាយជាមួយ YG Entertainment។ នៅពេលនោះនាង Park Bom បានដាក់ពាក្យបណ្តឹងដោយដាក់ឈ្មោះ Yang Hyun Suk ជាផលិតករប្រតិបត្តិរបស់ YG Entertainment ជាចុងចោទ និងទាមទារសំណងចំនួនដ៏ច្រើនសន្ធឹកសន្ធាប់ ដែលបង្កឲ្យមានភាពចម្រូងចម្រាស៕
