កូរ៉េខាងត្បូង៖យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា តារាចម្រៀងស្រីកូរ៉េខាងត្បូង នាងHyoyeon សមាជិកក្រុមតារាចម្រៀង ស្រីកូរ៉េខាងត្បូង Girls’ Generation បានបង្កឲ្យមានការភ្ញាក់ផ្អើល ជាមួយនឹងរូបថតផ្សព្វផ្សាយដ៏សិចស៊ី របស់នាងលើបណ្តាញសង្គម។
នាង Hyoyeon ត្រៀមខ្លួនរួចជាស្រេច ដើម្បីវិលត្រឡប់មកវិញ ហើយនាងបានធ្វើឲ្យពិភពលោកភ្ញាក់ផ្អើល ជាមួយនឹងរូបភាពផ្សព្វផ្សាយដ៏សិចស៊ីរបស់នាង។ រូបថតទាំងនោះ តារារូបនេះពាក់សក់ពាក់ពណ៌ទង់ដែង និងអាវទ្រនាប់ ជាមួយនឹងអាវស្បែក និងខោរលុង បង្ហាញពីទឹកមុខទាក់ទាញ និងជានិមិត្តរូប។
រូបថតទាំងនោះពិតជាបានបង្ហាញ ពីភាពទំនើប និងភាពសិចស៊ីរបស់តារារូបនេះ។ នៅពេលរូបថតទាំងនោះ ត្រូវបានបង្ហោះនៅលើបណ្តាញសង្គម X អ្នកលេងអ៊ីនធើណេតមិនអាច មើលរំលងពីរូបរាងដ៏ទាក់ទាញ និងសិចស៊ីរបស់តារារូបនេះបានទេ៕
