ម៉ានីល៖ កាលពីថ្ងៃសៅរ៍ វិមានប្រធានាធិបតី Malacañang បានបង្ហាញអំពីរូបភាពក្លែងបន្លំ នៃការផ្សាយ ដែលបានសន្មត់ថា ជា ព្រះរាជបញ្ជារបស់ព្រះមហាក្សត្រថៃ ទៅកាន់ប្រធានាធិបតី រ៉ូឌ្រីហ្គោ ឌូទ័រតេ នៅក្នុងកិច្ចប្រជុំកំពូលអាស៊ាន នៅទីក្រុងបាងកក ដោយនិយាយថា ការបញ្ចេញរូបភាពដែល មានគំនិតអាក្រក់នេះ គឺដើម្បីបំបាក់មុខមេដឹកនាំហ្វីលីពីន។
យោងតាមសារព័ត៌មាន Philstar ចេញផ្សាយកាលពីថ្ងៃទី២ ខែវិច្ឆិកា ឆ្នាំ២០១៩ បានឱ្យដឹងថា នៅក្នុងសេចក្តីថ្លែងការណ៍មួយ អ្នកនាំពាក្យប្រធានាធិបតីលោក Salvador Panelo បានចោទប្រកាន់អ្នករិះគន់ ឥតសំចៃមាត់ថា ដោយគ្មានចេះពិចារណារបស់លោក ឌូទ័រតេ បានជំរុញរឿងរ៉ាវព័ត៌មានក្លែងក្លាយដែលត្រូវបានចុះផ្សាយដោយកាសែតបាងកកប៉ុស្តិ៍ដែលមានចំណងជើងថា «ព្រះមហាក្សត្រ បញ្ជាឱ្យលោក ឌូទ័រតេ ប្រកាន់អាកប្បកិរិយាឱ្យបានល្អ នៅក្នុងកិច្ចប្រជុំកំពូលអាស៊ាន»។
បន្ទាប់មក អ្នកនាំពាក្យប្រធានាធិបតី រូបនេះ បានរំលឹកថា ប្រទេសថៃមានច្បាប់មួយដែលតឹងរឹងបំផុតប្រឆាំងនឹងប្រមាថព្រះមហាក្សត្រ ឬបទឧក្រិដ្ឋ ឬឧក្រិដ្ឋកម្មប្រឆាំងនឹងអធិបតេយ្យភាពនៃរដ្ឋ ដោយបន្ថែមថា ការធ្វើឱ្យប៉ះពាល់ដល់ទំនាក់ទំនងហ្វីលីពីន – ថៃ គឺត្រូវផ្តន្ទាទោសដាក់ពន្ធនាគារនៅក្នុងប្រទេសថៃ៕ ប្រែសម្រួលៈ ណៃ តុលា
