LISBON៖អតិថិជនជាន់ខ្ពស់របស់ក្រុមហ៊ុន Amazon ត្រូវសម្រេចចិត្តដោយខ្លួនឯងថា តើត្រូវការពារព័ត៌មានរសើបតាមអ៊ីនធើណេតបានយ៉ាងដូចម្តេច បន្ទាប់ពីការចោទប្រកាន់របស់សមាជិកសភាសហរដ្ឋអាមេរិកថាក្រុមហ៊ុនបណ្តាញអ៊ីនធឺណេតមិនបានធ្វើគ្រប់គ្រាន់ដើម្បីធានាទិន្នន័យនៅលើម៉ាស៊ីនមេរបស់ខ្លួនទេយោងតាមការចេញផ្សាយពីគេហទំព័រជប៉ុនធូដេ។
Amazon Web Services (AWS) ដែលជា cloud កុំព្យូទ័ររបស់ក្រុមហ៊ុន Amazon.com បានរងនូវការចោទប្រកាន់បន្ទាប់ពីមានការរំលោភបំពានលើទិន្នន័យសំខាន់ៗជាច្រើនក្នុងនោះមានមួយនៅឆ្នាំនេះពាក់ព័ន្ធនឹងព័ត៌មានផ្ទាល់ខ្លួនរបស់មនុស្សចំនួន ១០៦ លាននាក់បានរក្សាទុកនៅលើម៉ាស៊ីនមេរបស់ខ្លួនដោយ Capital One Financial Corp។
ប្រធានផ្នែកបច្ចេកវិទ្យាលោក Werner Vogels បានមានប្រសាសន៍ថា AWS បានផ្តល់សេវាកម្មជាច្រើនដើម្បីជួយអតិថិជនក្នុងការកំណត់អត្តសញ្ញាណ ប្រសិនបើទិន្នន័យរបស់ពួកគេត្រូវបានរក្សាទុកយ៉ាងត្រឹមត្រូវនិងដាក់ទង់បញ្ហាអាចកើតមាន ប៉ុន្តែការសម្រេចចិត្តថាតើការកំណត់មួយណាដែលត្រូវប្រើគឺស្ថិតនៅជាមួយអតិថិជនទាំងនោះ។
លោកបានបន្តថា យើងមានអារម្មណ៍ថា យើងមានការទទួលខុសត្រូវក្នុងការធ្វើឲ្យប្រាកដថា អ្នកធ្វើសកម្មភាពត្រឹមត្រូវប៉ុន្តែនៅទីបញ្ចប់មានតែអ្នកប៉ុណ្ណោះ ដែលអាចសម្រេចចិត្តថាតើអ្វីជាសកម្មភាពត្រឹមត្រូវនៅទីនោះនិងអ្វីដែលមិនមែន”៕ដោយ៖លី ភីលីព
