ទីក្រុងឡុងដ៏៖ទីក្រុងញូវយ៉កបានជាប់ចំណាត់ថ្នាក់ដំបូងនៅក្នុងបញ្ជីនៃទីក្រុងច្នៃប្រឌិតថ្មីបំផុតនៅលើពិភពលោក ខណៈសហរដ្ឋអាមេរិកកំពុងអនុវត្តយ៉ាងខ្លាំងចំពោះការចាប់យកបច្ចេកវិទ្យាឆ្លាតវៃ និងការចាប់ផ្តើមយោងតាមការចេញផ្សាយពីគេហទំព័រជប៉ុនធូដេ។
ទីក្រុងតូក្យូជាអ្នកឈ្នះកាលពីឆ្នាំមុនហើយទីក្រុងឡុងដ៍របស់ចក្រភពអង់គ្លេសបានឈរនៅលំដាប់ទី ២ និងទី៣ នៅក្នុងសន្ទស្សន៍ទីក្រុងច្នៃប្រឌិតថ្មី ដោយមានទីក្រុង Los Angeles សហរដ្ឋអាមេរិកទីក្រុងឈីកាហ្គោ និងបូស្តុនជាប់ចំណាត់ថ្នាក់លេខ ១០ ។
លោក Christopher Hire នាយកក្រុមហ៊ុនផ្គត់ផ្គង់ទិន្នន័យពាណិជ្ជកម្ម 2thinknow ផ្សព្វផ្សាយចំណាត់ថ្នាក់ប្រចាំឆ្នាំនៃទីក្រុងចំនួន ៥០០ បានមានប្រសាសន៍ថា “ អ្វីដែលធ្វើឲ្យយើងភ្ញាក់ផ្អើលនៅឆ្នាំនេះគឺសហរដ្ឋអាមេរិកឈរនៅលើកំពូលតារាង។
សន្ទស្សន៍នេះបានរកឃើញថា ទីក្រុងឈីកាហ្គោបានជាប់ចំណាត់ថ្នាក់កំពូលទាំង ៥ ជាលើកដំបូងចាប់តាំងពីការស្ទង់មតិបានចាប់ផ្តើមក្នុងឆ្នាំ ២០០៧ ដោយសារចំនួននៃការចាប់ផ្តើម និងសាកលវិទ្យាល័យដែលមានចំណាត់ថ្នាក់ខ្ពស់ជាងគេ។
អ្នកចាញ់ដ៏ធំម្នាក់គឺSan Francisco Bay ជាផ្ទះរបស់ទីស្នាក់ការកណ្តាល Silicon Valley របស់ក្រុមហ៊ុនយក្សបច្ចេកវិទ្យាដូចជា Apple, Facebook និង Google ដែលបានធ្លាក់ដល់ ៦ កន្លែងឈរនៅលំដាប់ទី ៩ ដោយសារបញ្ហាចម្រូងចម្រាសបច្ចេកវិទ្យាភាពគ្មានផ្ទះសម្បែង និងបញ្ហាឯកជន៕ដោយ៖លី ភីលីព
