តូក្យូ៖ អ្នករៀបចំបាននិយាយថា ការស្ទង់មតិអំពីទឹកនៅឈូង សមុទ្រតូក្យូជាកន្លែងកីឡាហែលទឹកនៃកីឡា ទ្រីយ៉ាត្លុងនឹងត្រូវបានធ្វើឡើង នៅក្នុងព្រឹត្តិការណ៍កីឡាអូឡាំពិកឆ្នាំ ២០២០ បានបង្កើតលទ្ធផលលាយឡំជាមួយ នឹងកម្រិតនៃបាក់តេរី E.coli ត្រូវបានកត់ត្រាទុកក្នុងមួយថ្ងៃ សូម្បីតែនៅក្នុងតំបន់ដែលការពារ ដោយអេក្រង់ក្រោមទឹកក៏ដោយយោងតាមការចេញផ្សាយ ពីគេហទំព័រជប៉ុនធូដេ។
ពួកគេនិយាយថា ការកើនឡើងនេះទំនងជាបណ្តាល មកពីភ្លៀងធ្លាក់ខ្លាំងដូចគ្នានឹងទីក្រុងធំៗជាច្រើនទៀតនៅជុំវិញ ពិភពលោកដែរ ទីក្រុងតូក្យូដំណើរការទឹកភ្លៀង និងទឹកសំណល់តាមគ្រួសារតាមរយៈប្រព័ន្ធលូ ដូចគ្នា។នៅពេលមានភ្លៀងធ្លាក់ ខ្លាំងគ្របដណ្ដប់លើកន្លែងប្រភពទឹករបស់ទីក្រុង ផ្នែកខ្លះនៃទឹកស្អុយរលាយជាមួយទឹកភ្លៀងអាចចូលទៅក្នុងបរិស្ថានបាន។
ការស្ទង់មតិបានបង្ហាញថា ក្នុងរយៈពេលមួយនៃរយៈពេល ១២ ថ្ងៃនៅដើមដល់ពាក់កណ្តាលខែសីហាឆ្នាំនេះ នៅពេលប្រព័ន្ធអេក្រង់ទឹកត្រូវបានតំឡើងសម្រាប់តេស្តកម្រិត E.coli ឡើងដល់ ៤ ដងលើសកម្រិតបានទទួលយក។ ពួកគេស្ថិតនៅក្រោមដែនកំណត់ក្នុងរយៈពេល ១១ ថ្ងៃទៀត។
លោក Kaori Akiya មន្ត្រីនៅទីក្រុងតូក្យូឆ្នាំ ២០២០ បាននិយាយថា អេក្រង់៣ជាន់នឹងត្រូវបានដំឡើងសម្រាប់ការប្រកួតកីឡាអូឡាំពិកឆ្នាំ ២០២០ បើប្រៀបធៀបជាមួយអេក្រង់តែមួយស្រទាប់ ត្រូវបានប្រើក្នុងការស្ទង់មតិដែលធ្វើឲ្យតំបន់នោះមានឈ្មោះថា ឧទ្យានសមុទ្រ Odaiba ។
លោក Akiya អ្នកចាត់ការទូទៅកន្លែងនៅតូក្យូ ២០២០ បាននិយាយថា វាអាចជាការពិបាកនៅពេលព្យុះទីហ្វុងដ៏ធំកើតឡើងតាមវិធីនេះ ប៉ុន្តែមិនគួរមានបញ្ហាអ្វីក្នុងការរៀបចំព្រឹត្តិការណ៍នៅឧទ្យានសមុទ្រអូដាប៊ីទេ ប្រសិនបើយើងតំឡើងអេក្រង់បីជាន់ហើយដំណើរការវាឲ្យបានត្រឹមត្រូវ៕ ដោយ៖លី ភីលីព
