បរទេស៖ បើតាមសារព័ត៌មាន The Times បានដកស្រង់សំដីប្រភពមិនបញ្ចេញឈ្មោះបាននិយាយថា ប្រមុខនៃសាខាទាំងបីនៃយោធាចក្រភពអង់គ្លេស កំពុងបង្ហាញភាពមិនត្រូវរ៉ូវគ្នា រឿងបែកចែកថវិកាសន្សំសំចៃឡើងវិញរបស់ចក្រភពអង់គ្លេស ជាមួយនឹងចំនួនកងទ័ពដែលបានគំរាមថានឹងធ្លាក់ចុះដល់កម្រិតទាបចន្លោះពី ៦០.០០០ ទៅ ៦៥.០០០ នាក់។
យោងតាមសារព័ត៌មាន Sputnik ចេញផ្សាយនៅថ្ងៃទី២៥ ខែវិច្ឆិកា ឆ្នាំ២០១៩ បានឱ្យដឹងថា ប្រមុខកងទ័ពអង់គ្លេស កំពុងជំរុញកងទ័ពជើងទឹកឱ្យជួលនាវាដឹកយន្តហោះដែលមានតំលៃថ្លៃរបស់ខ្លួនមួយទៅសម្ព័ន្ធមិត្តរបស់ប្រទេស ដូចជាសហរដ្ឋអាមេរិក ។
ប្រភពមួយបាននិយាយថា «កងទ័ពស្អប់នាវាដឹកយន្តហោះដែលពួកគេតែងតែមើលឃើញថាជាដំរីពណ៌ស ប៉ុន្តែជនជាតិអាមេរិកាំងស្រឡាញ់ពួកគេ (នាវាដឹកយន្តហោះ) ណាស់។ នាវាទាំងនោះ បំពាក់បច្ចេកវិទ្យាចុងក្រោយ ពីព្រោះវាអាចប្រតិបត្តិការជាមួយនាវិកច្រើនជាងនាវាដឹកយន្តហោះរបស់អាមេរិក» ។
ទន្ទឹមនឹងនេះ កងទ័ពជើងទឹកអង់គ្លេស កំពុងជំរុញឱ្យមានការកាត់បន្ថយកម្លាំងយោធា នៅក្នុងកងយោធពលខេមរភូមិន្ទ (RAF )ដោយអះអាងថា សាខានៃសេវាកម្មនេះនឹងមិនត្រូវការវាច្រើនទេនាពេលអនាគត។ គួរឱ្យចាប់អារម្មណ៍គ្រប់គ្រាន់ ហើយបើយោងតាម RAF បច្ចុប្បន្ននេះខ្លួនមានកង្វះអាកាសយានិក (កាពីទែននាវា) ប្រហែល ២៥០ នាក់។
ប្រភពបាននិយាយទៀតថា « កងទ័ពមិនអាចជ្រើសរើស ឬរក្សាទុកប្រជាជនដែលខ្លួនត្រូវការបានទេ។ ទាំងកងទ័ពជើងគោក និងកងទ័ពជើងទឹក គិតថា ការងាររបស់ RAF នឹងត្រូវធ្វើដោយយន្តហោះគ្មានមនុស្សបើកវិញ» ៕ប្រែសម្រួលៈ ណៃ តុលា
