បរទេស៖ ប្រទេសឥណ្ឌា និងប៉ាគីស្ថាន បានចូលរួមក្នុងការបង្កើនស្ថានការណ៍ ព្រំដែនយ៉ាងធ្ងន់ធ្ងរ ចាប់តាំងពីការវាយប្រហារ តាមអាកាសឆ្លងកាត់ព្រំដែន ដោយកងទ័ពអាកាសឥណ្ឌា កាលពីខែកុម្ភៈ។ គូប្រជែងធំៗទាំងពីរបានដាក់ពង្រាយកងទ័ព និងបរិក្ខាយោធារបស់ខ្លួន នៅឯមូលដ្ឋានទ័ពជួរមុខ ដើម្បីសងសឹកក្នុងករណី ដែលមានការភាន់ច្រឡំដោយភាគីណាមួយ។
យោងតាមសារព័ត៌មាន Sputnik ចេញផ្សាយកាលពីថ្ងៃទី២៩ ខែវិច្ឆិកា ឆ្នាំ២០១៩ បានឱ្យដឹងថា កងទ័ពឥណ្ឌាបានសម្រេចដាក់ពង្រាយ រថពាសដែកប្រមាណ ២០០ គ្រឿងបំពាក់ដោយកាំជ្រួចមីស៊ីល ប្រឆាំងរថក្រោះ ដែលបានអភិវឌ្ឍក្នុងតំបន់ Punjab និង Rajasthan ។ ទាំងនេះត្រូវបានកំណត់ដើម្បីបង្កើន សមត្ថភាពរបស់កងទ័ព ព្រោះវាអាចធ្វើប្រតិបត្តិការ នៅលើដី ដែលព័ទ្ធជុំវិញដោយទន្លេ និងប្រឡាយ។
មន្ត្រីមួយរូបនៅថ្ងៃសុក្រនេះ បានបញ្ជាក់ថា “ រថពាសដែកនឹងត្រូវដាក់ ពង្រាយ នៅតំបន់ជាប់ ព្រំប្រទល់ប្រទេសប៉ាគីស្ថាន” មានទំហំ ៨ គុណ ៨ នឹងអាច បើកបរអប្បបរមា ៥០០ គីឡូម៉ែត្រលើផ្លូវ និង ២៥០ គីឡូម៉ែត្រក្នុងតំបន់មួយ ដែលមាន ទន្លេឬប្រឡាយ។ សម្រាប់ការការពារ យានយន្តនេះ កាំជ្រួចមីស៊ីលនាំ ផ្លូវរយៈចម្ងាយឆ្ងាយ ចំនួន ពីរគ្រាប់ (ATGM) នឹងអាចប្រើបាន៕ប្រែសម្រួលៈ ណៃ តុលា
