FRANKLIN៖ ក្រុមហ៊ុន Nissan Motor Co កំពុងធ្វើឲ្យរោងចក្រ និងបុគ្គលិក ការិយាល័យរបស់ខ្លួន នៅសហរដ្ឋអាមេរិក ឈប់សម្រាក២ថ្ងៃ ដោយមិនមានប្រាក់ឈ្នួល ចំពេលការលក់ធ្លាក់ចុះ របស់ក្រុមហ៊ុននាឆ្នាំនេះ ធ្លាក់ចុះ ៧,៨ភាគរយ គិតត្រឹមខែវិច្ឆិកា យោងតាមការចេញផ្សាយ ពីគេហទំព័រជប៉ុនធូដេ ។
ក្រុមហ៊ុន Nissan និយាយថា ស្ទើរតែទាំងអស់ នៃកម្មកររបស់ខ្លួនចំនួន ២១,០០០ នាក់នៅសហរដ្ឋអាមេរិក ត្រូវតែឈប់សម្រាកនៅថ្ងៃទី ២ និងទី ៣ ខែមករាដោយមិនមានសំណង។ សេចក្តីថ្លែងការណ៍របស់ក្រុមហ៊ុន បានឲ្យដឹងថា ការធ្វើបែបនេះនឹងបង្កើន ប្រសិទ្ធភាពប្រតិបត្តិការ និងភាពប្រកួតប្រជែង ។
រាល់រោងចក្រ និងការិយាល័យ របស់ក្រុមហ៊ុន Nissan នៅសហរដ្ឋអាមេរិក នឹងត្រូវរងផលប៉ះពាល់ ពីតំបន់ដែលនៅសេសសល់ ទីស្នាក់ការកណ្តាលអាមេរិក ខាងជើងនៅហ្វ្រែនគ្លីន រដ្ឋថេនណេសនៅ ជិតណាសវីល ហាងលក់រថយន្ត Nissan និង Infiniti នឹងនៅតែបើកដំណើរការ។
ម៉ូដែលយីហោប្រណីត របស់ក្រុមហ៊ុន Nissan និង Infiniti ភាគច្រើននៅសហរដ្ឋអាមេរិក ស្ថិតនៅក្នុងការធ្លាក់ចុះ នៃការលក់រួមទាំងអ្នកលក់កំពូល របស់ក្រុមហ៊ុនគឺរថយន្ត Nissan Rogue SUV ជាមួយនឹងការលក់ធ្លាក់ចុះ ១២,៦ភាគរយរហូត មកដល់ពេលនេះ។
ប្រាក់ចំណេញរបស់ Nissan ចាប់ពីខែកក្កដាដល់ខែកញ្ញា គឺពាក់កណ្តាល នៃប្រាក់ចំណេញដែលវារកបាន កាលពីមួយឆ្នាំមុន។ ការលក់ និងអំណាចយីហោ របស់ក្រុមហ៊ុនបានធ្លាក់ចុះ បន្ទាប់ពីមានការចាប់ខ្លួនអតីតប្រធាន Carlos Ghosn ខែវិច្ឆិកាឆ្នាំ ២០១៨ ។ ការចោទប្រកាន់ប្រឆាំងនឹងលោករួមមាន ការរាយការណ៍អំពីសំណង របស់លោក និងរំលោភលើការទុកចិត្ត ដោយការបង់ប្រាក់គួរឲ្យសង្ស័យ៕ ដោយ៖លី ភីលីព
