សេអ៊ូល៖ ក្រុមមន្ត្រីបានឲ្យដឹងកាលពីថ្ងៃអង្គារថាប្រទេសកូរ៉េខាងត្បូង គ្រោងនឹងរៀបចំពិធីមួយនៅខែនេះ ដើម្បីកត់សម្គាល់ការដាក់ពង្រាយប្រតិបត្តិការនៃយន្ដហោះចម្បាំងបំបាំងកាយ F-35A ជាផ្លូវការ នេះបេីយោងតាមការចុះផ្សាយរបស់ទីភ្នាក់ងារសារព័ត៌មាន យុនហាប់។
រហូតមកដល់ពេលនេះប្រទេសកូរ៉េខាងត្បូងបាននាំមកនូវយន្តហោះ F-35A ចំនួន ១២ គ្រឿងដោយចាប់ផ្តើមពីពីរនៅចុងខែមីនា ក្រោមផែនការដាក់ពង្រាយយន្តហោះជំនាន់ទី ៥ សរុបចំនួន ៤០ គ្រឿងរហូតដល់ឆ្នា ២០២១។
លោកវរសេនីយ៍ទោ Cho Se-young បានប្រាប់សន្និសីទកាសែតប្រចាំថ្ងៃមួយថា“ យើងគ្រោងនឹងរៀបចំពិធីបំពាក់គ្រឿងសម្ភារៈមួយនៅក្នុងខែនេះ ដែលនឹងត្រូវធ្វើជាអធិបតីភាពដោយប្រធានបុគ្គលិកកងទ័ពអាកាសកូរ៉េខាងត្បូង”៕ដោយ ឈូក បូរ៉ា
