ញូវយ៉ក៖ អ្នកស្រាវជ្រាវបាននិយាយថា ព្រៃចំណាស់ជាងគេបំផុតនៅលើពិភពលោកដែលមានអាយុកាល ៣៨៦ លានឆ្នាំហៅថា “ អាយុត្រី” ត្រូវបានរកឃើញស្ថិតនៅទីតាំងកន្លែងយក្សមួយ ដែលត្រូវបានគេបោះបង់ចោលនៅក្បែរទីក្រុងញូវយ៉កនេះ បើយោងតាមការចេញផ្សាយពីគេហទំព័រឌៀលីម៉ែល។
ហ្វូស៊ីលដើមឈើដែលត្រូវបានគេគិតថា មានកmjពស់រហូតដល់ទៅ ៦៥ ហ្វីតត្រូវបានគេរកឃើញនៅផ្នែកខាងក្រោមនៃ កន្លែងយកថ្មមួយកន្លែងក្នុងតំបន់ខេស៊ីក នៅជិតទីប្រជុំជនតូច Cairo ។ យោងតាមអ្នកស្រាវជ្រាវបានអោយដឹងថា ព្រៃនឹងស្ថិតនៅកំពូលរបស់វាក្នុងកំឡុងពេលនៃសម័យ Devo nian ជាពេលវេលាមួយដែលជីវិតភាគច្រើននៅលើផែនដី ស្ថិតនៅក្នុងមហាសមុទ្រ។
ព្រៃដែលមិនចេះរីងស្ងួតនេះ មានអាយុកាលចាស់ជាង ៣ លានឆ្នាំជាង“ ព្រៃចំណាស់ជាងគេ” ត្រូវបានគេរកឃើញនៅហ្គីលបា ក៏នៅរដ្ឋញូវយ៉កដែលមានចម្ងាយប្រហែល ២៥ ម៉ាយល៍។ ឫសហ្វូស៊ីលខ្លះមានទំហំ ៦ អ៊ីញ និងមានរាងមូលរាងមូលផ្ដេករាងមូលមានកំពស់ ៣៥ ហ្វីតពីកន្លែងដែលដើមឈើបញ្ឈរឈរ។
បណ្តាញដើមឈើធំទូលាយ នឹងរាលដាលដល់រដ្ឋជិតខាងនៃរដ្ឋផេនស៊ីលវេនៀនិងលើសពីនេះ។ អ្នកវិទ្យាសាស្ត្រមកពីសាកលវិទ្យាល័យ Binghamton និយាយថា នេះផ្តល់ឲ្យពួកគេនូវការយល់ដឹងកាន់តែស៊ីជម្រៅ អំពីការផ្លាស់ប្តូរផែនដីទៅជាភពដែលមានព្រៃឈើ៕
ដោយ៖លី ភីលីព
