បរទេស:ប្រព័ន្ធផ្សព្វផ្សាយ រដ្ឋរបស់កូរ៉េខាងជើង នៅថ្ងៃអាទិត្យទី២៩ខែធ្នូនេះ បានរាយការណ៍ព្រឹកនេះពោលគឺនៅសល់តែ ប៉ុន្មានថ្ងៃប៉ុណ្ណោះមុនថ្ងៃផុតកំណត់មួយឆ្នាំ ដែលក្រុងព្យុងយ៉ាងបានទុក ឲ្យរដ្ឋាភិបាលក្រុងវ៉ាស៊ីនតោន ដើម្បីធ្វើសម្បទានក្នុងការ ចរចានុយក្លេអ៊ែរនោះ។
គួរឲ្យដឹងដែរថាទីភ្នាក់ងារព័ត៌មាន កណ្តាលកូរ៉េបានរាយការណ៍ថាមេដឹកនាំគីមជុងអ៊ុនបានធ្វើជាអធិបតី ក្នុងកិច្ចប្រជុំពេញអង្គនៃគណៈកម្មាធិការកណ្តាលរបស់គណបក្សដែលបានកោះប្រជុំនៅទីក្រុងព្យុងយ៉ាង កាលពីថ្ងៃសៅរ៍ម្សិលមិញផងដែរ។ ខ្លួនបានហៅការជួបជុំនេះថា ការប្រជុំថ្ងៃទី១ដែលបង្ហាញថា វានឹងបន្តកិច្ចប្រជុំបែបនេះ បន្ថែមទៀតរហូតដល់ដំណាច់ឆ្នាំ។
ចំណែកការចេញផ្សាយរបស់ KCNA បាននិយាយថាកិច្ចប្រជុំនេះមានគោលបំណង ដើម្បីជំនះរាល់ការសាកល្បងនិងការលំបាក ទាំងឡាយព្រមទាំងការពន្លឿនការបដិវត្តជំហរ និងឆន្ទៈឯករាជ្យរបស់ខ្លួនដើម្បី ប្រឆាំងនឹងចក្រពត្តិនិយម។
រំលឹកដែរថាកាលពីខែមេសាឆ្នាំ២០១៨ នៅពេលចាប់ផ្តើមកិច្ចចរចានុយក្លេអ៊ែរ ជាមួយសហរដ្ឋអាមេរិកកូរ៉េខាងជើង បានរៀបចំការប្រជុំគណបក្សពលករម្តង ដែរហើយបានប្រកាសថាខ្លួននឹងផ្អាក ការធ្វើតេស្តមីស៊ីលផ្លោងនុយក្លេអ៊ែរ និងអន្តរទ្វីបហើយប្តូរការយកចិត្តទុកដាក់ របស់ជាតិក្នុងការអភិវឌ្ឍ សេដ្ឋកិច្ចជំនួសវិញ៕ប្រែសម្រួល:ស៊ុនលី
