អាមេរិក៖ការសិក្សាថ្មីមួយបានអះអាងថា ហ្វូស៊ីលសត្វខ្យាដំរីដែលបានរកឃើញនាពេលថ្មីៗនេះ ប្រហែលជាសត្វមួយក្នុងចំណោមសត្វដំបូង ដែលបានចាកចេញពីសមុទ្រ និងទៅរកទីដីគោកវិញ កាលពីសម័យបុរាណកាល បើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមអ្នកស្រាវជ្រាវមកពីសាកលវិទ្យាល័យ Otterbein សហរដ្ឋអាមេរិកបាននិយាយថា សត្វនេះនឹងមានអាយុកាលប្រហែលជា ៤៣៧ លានឆ្នាំមកហើយក្នុងកំឡុងសម័យ Siluarian ។ វាត្រូវបានគេហៅថា Parioscorpio venator ហើយជាខ្យាដំរីត្រូវបានគេស្គាល់ចាស់ជាងគេរហូតមកដល់ពេលនេះ ត្រូវបានរកឃើញដោយអ្នកវិទ្យាសាស្ត្រ ។ វាត្រូវបានគេរកឃើញនៅ Waukesha ជាស្រុកមួយក្នុងរដ្ឋ Wisconsin សហរដ្ឋអាមេរិក។
នៅពេលកំណត់ត្រាហ្វូស៊ីល មានកំណត់សម្រាប់រយៈពេលដែលវារស់នៅ អ្នកស្រាវជ្រាវបាននិយាយថា វាមិនច្បាស់អំពីរបៀប ឬពេលណាវាសម្របខ្លួនទៅនឹងជីវិត នៅលើដីស្ងួត ។ អ្នកជំនាញខាងការធ្វើកោសល្យវិច័យ Andrew Wendruff អ្នកនិពន្ធលើការសិក្សានេះបាននិយាយថា ការរកឃើញហ្វូស៊ីល២ត្រូវបានថែរក្សាយ៉ាងល្អគឺជាការវិវត្តដ៏គួរឲ្យរំភើបមួយ ។
តាមការពិនិត្យយ៉ាងយកចិត្តទុកដាក់ នៃហ្វូស៊ីលពួកគេបានរកឃើញថា ពួកគេទាំង២ជាសមាជិកនៃប្រភេទសត្វខ្យាដំរី ដែលមិនស្គាល់ពីមុន ។ លោក Wendruff បានបន្តថា សត្វសមុទ្រដែលត្រូវបានរកឃើញថ្មីៗ បង្ហាញពីលក្ខណៈដើមមួយចំនួនមានវត្តមាន នៅក្នុងសារពាង្គកាយសមុទ្រដទៃទៀត ៕ ដោយ៖លី ភីលីព
